Контакт

Регион

Силно невреме го зафати регионот, авиони од Сараево пренасочени во Белград и Загреб

Објавено пред

Силно невреме и намалена видливост во Сараево предизвикаа проблеми во доцните попладневни часови и протокот на воздушниот сообраќај. Два авиони не успеаја да слетаат и беа пренасочени кон аеродромите во Белград и Загреб, пренесува порталот Кликс.

Авион на компанијата „ФлајДубаи“, кој летал од Дубаи кон Сараево требало да слета на аеродромот во Сараево во 5.55 часот. Тој кружел околу половина час, но не успеал да слета и полетал за Белград.

Авионот „Јуровингс“ од Штутгарт, кој требало да пристигне во 17.10 часот, бил пренасочен кон Загреб, по 10-минутно кружење над сараевскиот аеродром.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

Инциденти во хрватското Собрание, обезбедувањето на раце изнесе опозициски пратеник

Објавено пред

Инциденти на денешната седница на хрватскиот Парламент, додека премиерот Андреј Пленковиќ зборуваше за состојбата на нацијата, пренесуваат хрватските медиуми.

Опозицискиот пратеник од „Жив ѕид“ Иван Пернар, беше на раце, изнесен од салата од страна на обезбедувањето, а Миро Буљ, од Независната листа МОСТ, на столчето на премиерот остави ќесе со ѓубре.

Пред почетокот на излагањето на премиерот, дојде до расправија меѓу Пернар и претседателот на Саборот, Гордан Јандроковиќ, по што обезбедувањето го изнесе опозиционерот од сала.

Јандроковиќ предложи дополнување на дневниот ред со 10 нови точки, а на прашањето дали има приговор се јави Пернар, која се пожали на состојбата во правосудството поради случајот со силувањето девојче во Задар.

Јавноста во Хрватска е револтуирана откако судија во Задар ослободи група лица да се бранат од слобода, осомничени дека во текот на една година, во повеќе наврати групно го силувале девојчето.

Откако Пернар не се држеше до правилата, претседателот на Саборот двапати го опомена и потоа му го одзеде зборот. Пернар не престануваше да зборува, па Јадронковиќ му го одзеде зборот и за денеска и за утре. Пернар го игнорираше и тоа предупредување, по што Јандроковиќ даде десетминутна пауза и го повика собраниското обезбедување да го изнесе од салата опозицискиот пратеник.

По него, опозиционерот Буљ, кој зборуваше за управувањето со отпадот, во салата внесе ќесе со ѓубре.

„Очигледно надлежните не го разбираат принципот за одржливо управување со отпад….Гледам дека е арогантен премиерот, и оваа ќеса ќе ја оставам на неговата столица…еве му ѓубре кое го собирав од Вргорац до Сињ“, рече Буљ.
Јандроковиќ му рече да не прави циркус, туку да седне или да излезе од салата.

Прикажи повеќе...

Регион

Ивица Дачиќ: Земјите од регионот имаат иста иднина, треба да се држат заедно

Објавено пред

Првиот потпретседател на српската влада и министер за надворешни работи, Ивица Дачиќ, изјави денеска дека регионот на Западен Балкан ја има истата иднина, дека треба да дејствува заедно за да се обезбеди мир и стабилност и дека младите луѓе, лишени од минатото, имаат значајна улога во обезбедувањето подобра соработка.

На конференцијата посветена на проектот „Подобрување на дијалогот и социјалната кохезија во и меѓу БиХ, Црна Гора и Србија“, спроведена од УНДП, УНИЦЕФ и УНЕСКО, која го почнува годинешниот белградски Форум за безбедност, Дачиќ рече дека трите земји се пријателски расположени и дека младите луѓе, кои немаат негативен бекграунд и кои се лишени од проблемите создадени кога постојано се гледа назад, конечно, може да гледаат напред.

„Интересот на сите нас треба да биде нашите земји да соработуваат подобро, да бидеме заедно, да градиме блок“, рече Дачиќ додавајќи дека честопати се случува на состаноците во целиот свет земјите да се напаѓаат една со друга наместо да застапуваат заеднички интереси и да се поддржуваат една со друга.

„Мислам дека вие кои сте млади имате интерес регионот да биде регион на мирот и стабилноста и подобра иднина за сите“, рече тој.

Прикажи повеќе...

Регион

Харадинај се откажа од пратеничкиот мандат

Објавено пред

Косовскиот премиер во оставка, Рамуш Харадинај, на „Фејсбук“ објави дека нема да биде пратеник во новиот состав на косовскиот парламент.

Харадинај соопшти дека неговото место ќе го заземе партиски колега, но дека тој и натаму ќе биде партиски лидер на Алијансата за иднината на Косово (ААК), која, според него, има потреба од реформи.

„Своето место во парламентот им го оставам на колегите, но ќе продолжам да ги држам отворени вратите на Алијансата за нужната реформа, која беше побарана од народот“, напиша Харадинај.

ААК, предводена од него, и Социјалдемократската партија (СДП), кои заедно се натпреваруваа на предвремените избори на 6 октомври, освоија 11,57 отсто од гласовите и се најдоа на четвртото место по Движењето Самоопределување, Демократската лига на Косово (ЛДК) и Демократската партија на Косово (ПДК).

Прикажи повеќе...

Најново

Македонија28 минути

АВМУ: Досега не е побарана промена на сопственоста на „1ТВ“

„1ТВ“ досега нема побарано да се изврши промена на сопственоста, соопшти Агенцијата за аудио и аудиовизуелните медиумски услуги. Од таму појаснуваат...

Македонија2 часа

Велика Британија го ратификува протоколот за членство на Северна Македонија во НАТО

Велика Британија денеска го ратификува протоколот за полноправно членство на Северна Македонија во НАТО. Британскиот министер за надворешни работи, Доминик...

Македонија2 часа

Заев: Ако нема одлука за датум, Владата може да падне

Понатамошно одлагање за добивање датум за преговори со Европската Унија би можело да доведе до пад на Владата, рекол премирот...

Македонија3 часа

Прогласени пет нови природни реткости – меѓу нив и Чинарот во Охрид

Министерот за животна средина и просторно планирање донесе решение за прогласување 5 нови природни реткости: Киселичката пештера, Чинарот во Охрид,...

Свет4 часа

(Видео) Кара: Додека не го исчистиме регионот од терористи, акцијата во Сирија нема да престане

Операцијата „Извор на мирот“ на Турција во Сирија ќе продолжи сè до расчистување на регионот од терористи. Досега се убиени...

Регион4 часа

Малолетник украл автобус и ги развезувал патниците низ Белград

Младо момче, според неофицијални информации малолетник, за време на такси-блокадата во Белград, украл автобус на линијата 59, кој го држи...

Македонија5 часа

Јанакиески: Не можам да бидам вработен, една година сум во притвор

На повторниот нов почеток на судењето за предметот „Насилство во Општина Центар“, судијата Душан Јосифов им го утврдуваше идентитетот на...

Свет6 часа

Ким Џонг-ун јавајќи бел коњ се искачи на корејската света планина

Водачот на Северна Кореја, Ким Џонг-ун, вети дека ќе ги совлада меѓународните санкции за кои рече дека донеле многу тешкотии...

Свет6 часа

Ердоган го одби повикот на САД за примирје

Турскиот претседател, Реџеп Таип Ердоган, го одби повикот на САД за итен прекин на огнот во северна Сирија. Ова следува...

Свет6 часа

Семејство во Холандија живеело 9 години во подрум чекајќи го крајот на светот

Во подрумот на куќа во Руинерволд, Холандија, е пронајдено семејство што таму живеело изминативе девет години чекајќи го крајот на...

Регион7 часа

Полицијата во Словенија во воз пронајде 13 килограми хероин вреден над милион евра

Словенечката полиција откри повеќе од 13 килограми хероин во меѓународен патнички воз што патувал од Турција за Австрија, што е...

Европа7 часа

САД ги повикаа каталонските демонстранти на умереност

Соединетите американски држави ги повикаа каталонските демонстранти на умереност во реакцијата на судската пресуда за политичарите што организираа референдум за...

Македонија18 часа

Спасовски најави намалување на казните за сообраќајни прекршоци

Потпретседателот на СДСМ и министер за внатрешни работи, Оливер Спасовски, на граѓанската трибина во Кичево најави дека наскоро ќе следува...

Свет20 часа

(Видео) Судири на протестот на пожарникарите во Париз, полицијата употреби солзавец и водени топови

Француската полиција употреби солзавец и водени топови во судирите со пожарникарите кои протестираат во Париз. #Policiers contre #pompiers, quand les...

Македонија21 час

Министрите на ЕУ не донесоа одлука за почеток на преговори со Северна Македонија

Министрите за надворешни работи на земјите членки на Европската Унија не донесоа одлука за определување датум за почеток на преговори...

Европа23 часа

(Видео) Најмалку 170 повредени во судирите во Барселона

Најмалку 170 лица се повредени, меѓу кои и 40 полицајци, во судирите меѓу демонстрантите и полицијата кај Меѓународниот аеродром во...

Регион24 часа

Косово го повлече барањето за прием во Интерпол

Премиерот во оставка на Косово, Рамуш Харадинај, денеска испрати писмо до Собранието на Интерпол во кое се вели дека Приштина...

Спорт24 часа

Михајлов ја презеде одговорноста, си поднесе оставка

Претседателот на Фудбалскиот сојуз на Бугарија Борислав Михајлов ја напуштил функцијата по расистичките испади на навивачите на синоќешниот квалификациски натпревар...

Свет1 ден

Оштетен аеродромот во Барселона, откажани 45 лета

Поради протестите во Шпанија, откажани се 45 лета на меѓународниот аеродром „Ел Прат“ во Барселона, кој, според информациите, претрпел мала...

Свет1 ден

Руската сајбер-шпионка од скандалот со велешките лажни интернет-страници приведена во Минск

Руската државјанка и осомничена сајбер-шпионка, Ана Богачева, на која САД ѝ наметнаа санкции поради наводно мешање во изборите и чие...

Досие