Контакт

Регион

Словенечката полиција отвори истрага за видеото од паравоена формација предводена од словенечки политичар 

Објавено пред

Словенечкиот претседател, Борут Пахор, изрази загриженост во врска со видеото што покажува  маскирана паравоена единица предводена од поранешниот десничарски претседателски кандидат Андреј Шишко, пренесува „Спутник“. Видеото, објавено на страницата на „Фејсбук“ на Шишко, покажа десетици маскирани луѓе кои положуваат свечена заклетва.

„Претседателот Пахор нагласува дека Словенија е безбедна земја во која неовластено лице не треба и не му е дозволено нелегално да се грижи за безбедноста на земјата и на нејзините граници”, Би-би-си го цитираше кабинетот на Пахор.

И премиерот во заминување, Миро Церар, го опиша формирањето на т.н. Штајерска гарда како апсолутно неприфатлив чекор што непотребно предизвикува страв и шири омраза.

„Словенија е безбедна држава, а полицијата и војската ја вршат својата работа многу добро, и очекувам надлежните органи веднаш да  преземат мерки против одговорните“, рече Церар

Новиот премиер, Марјан Сарек, пак, напиша на „Твитер“ дека секоја вооружена група надвор од безбедносните сили на Словенија го поткопува уставниот и правниот поредок.

Шишко, кој претходно беше осуден на двегодишна затворска казна за обид за убиство, ја нарече паравоената формација доброволна одбранбена сила составена од неколку стотици луѓе кои ќе го обезбедуваат јавниот ред и мир ако е потребно. Тој исто така призна дека оружјето што го носеле членовите на Штаjерската гарда не е регистрирано кај властите.

„Полицијата досега не ме посети, но очекувам нивна посета. Ние не правиме ништо лошо и би биле заинтересирани да соработуваме со полицијата”, истакна Шишко.

Во исто време, тој јасно стави до знаење дека неговата единица нема немо да посматра ако полицјата се обиде да ги разоружа. Словенечкиот поратал 24ур објави дека словенечки ултрадесничари кои се претставуваат како Штаерска гарда на социјални мрежи објавиле фотографии и снимки од собири на непозната локација најавувајќи жешка есен и протести кои „Словенија ќе ја претворат во Венецуела“. Порталот наведе дека голем број Словенци не верувале во тоа, но подоцна информацијата ја потврдил поранешниот претседателски кандидат Андреј Шишко, кој за локални медиуми рекол дека тој е лидер на таа група.

Антимигрантските чувства се засилија во Словенија по 2015 и 2016 година, кога речиси половина милион мигранти поминаа низ земјата на пат за побогати земји од ЕУ. Бројот на барања за азил во Словенија значително се зголеми од 277 во 2015 година на 1717 година оваа година, но само 77 имигранти добија азил во 2018 година според податоците на словенечкото МНР. Антимигрантсото расположение ѝ помогна на десноцентристичката Словенечка демократска партија да освои најмногу гласови на изборите во јуни, но партијата немаше коалициски партнери за да формира влада. Малцинска владата од пет левоцентристички партии, што беше формирана во меѓувреме, треба да биде потврдена во парламентот следната недела.

 

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

Италијанците не разбираат зошто Грците не ги пуштаат слободно во земјата

Објавено пред

Италијанскиот министер за здравство, Роберто Сперанца, изјави дека епидемиолошката состојба во Италија е подобра отколку во другите европски земји и дека не разбира зошто некои земји го ограничуваат влезот за Италијанците.

Меѓу нив е и Грција, која објави дека италијанските туристи во Грција ќе треба да останат во карантин седум дена, доколку немаат симптоми на инфекција, а оние кои ќе покажат дека се заразени – дури 14.

Италијанскиот министер за надворешни работи, Луиџи ди Мајо, ќе разговара за таа мерка на владата во Атина по телефон со својот грчки колега.

Директорот на одделот за интензивна нега на болницата „Сан Рафаело“ во Милано, Алберто Зангило, изјави дека клинички коронавирусот веќе не постои, а неговата изјава ја пренеле сите италијански медиуми, како и бурната реакција на колегите и научниците.

Прикажи повеќе...

Регион

Премиерот на БиХ и коосомничените во аферата со респираторите се ослободени

Објавено пред

Судот во Сараево го ослободи премиерот на Федерацијата на БиХ, Фадил Новалиќ и уште двајца осомничени за контроверзната набавка на респиратори за време на епидемијата на коронавирус.

Наместо едномесечен притвор што го бараа обвинителите, судот пресуди дека тие можат да се бранат на слобода, но со мерки, вклучително и забрана за контактирање со потенцијални сведоци и меѓусебни средби.

Заедно со Новалиќ, беа ослободени шефот на Цивилната заштита, Фахрудин Солак и Фикрет Хоџиќ, сопственик на компанијата „Сребрена малина“.

Новалиќ, Солак и Ходишиќ се осомничени за здружување заради сторено кривично дело, злоупотреба на службената положба, перење пари, примање подароци и фалсификување или уништување на службени документи.

Тие се под истрага поради набавката на 100 респиратори од Кина по цена од 5,3 милиони евра, што е повисока од пазарната цена.

Партијата за демократска акција на Новалиќ (СДА) оцени дека судската одлука е доказ дека случајот против него е монтиран.

„Единствената цел беше да се задржи Новалиќ во притвор и со тоа да се обезбеди слабеење на бошњачкиот фактор во владата на ентитетот“, велат од партијата, барајќи отстранување на главниот обвинител Гордана Тадиќ.

Прикажи повеќе...

Регион

Косово покрена нова трговска војна со Србија

Објавено пред

Косовската влада го забрани увозот на стоки од Србија, доколку во документите не стои „Република Косово“, објави Приштина во неделата, потег што официјален Белград го смета за полош од воведувањето на данок од 100 проценти во 2018 година.

„Дијалогот е на респиратор“, рече српскиот министер за надворешни работи Ивица Дачиќ, илустрирајќи ги односите, откако косовската влада донесе одлука за рестриктивната мерка.

Со неа се забранува увоз на производи доколку на документите не е назначено „Република Косово“ и се воведува обврска секое возило со стока од Србија да има посебна дозвола.

„Во трговските односи со Србија, забранета е употреба на документи за земјоделски и индустриски производи кои користат имиња на земји или содржат други елементи што се во спротивност со уставот и законодавството на Косово“, соопшти косовската влада.

На 31 март, Косово одлучи постепено да воведе реципрочни мерки за Србија, кои треба да ја заменат стопроцентната царина за стока, воведена во 2018 година од претходната влада на Рамуш Харадинај. Надоместокот за стока од Босна и Херцеговина беше укинат без реципрочни мерки.

Дачиќ изјави дека со прифаќање на новите мерки, Србија ќе го признае Косово и предупреди дека нема да има продолжување на дијалогот сè додека косовската влада не се повлече.

„Ние немаме намера да го продолжиме дијалогот додека не се укинат таксите. Тоа е неприфатливо за нас и негација на сите договори. Со право очекуваме реакција од меѓународната заедница“, рече тој.

Откако најмалку два камиони стоки од Србија се вратија од границата со Косово, директорот на владината канцеларија за Косово, Марко Ѓуриќ, побара итна реакција од меѓународната заедница.

„Владата на Приштина воведе нова трговска блокада на стоки од централна Србија. Овој нелегален чин е исто така спротивен на здравиот разум и ги поткопува европските вредности и егзистенцијалните интереси и на Албанците и на Србите“, рече Ѓуриќ на Твитер.

Владата на поранешниот косовски премиер Рамуш Харадинај воведе 100 проценти давачки за стоки од Србија и БиХ во ноември 2018 година. Овој потег го прекина дијалогот посредуван од ЕУ меѓу Белград и Приштина. По изборите во Косово во октомври минатата година, тогашниот лидер на опозицијата, а денес техничкиот премиер, Албин Курти, вети дека ќе ги укине даноците и ќе ги замени со реципроцитет.

Новиот специјален претставник на ЕУ за дијалогот меѓу Приштина и Белград и Западен Балкан, Мирослав Лајчак, рече дека е разочаран од последната одлука на косовската влада.

Лајчак на Твитер објави дека еднострани акти ја поткопуваат можноста за продолжување на дијалогот и мора веднаш да се повлечат.

„Брисел очекува обете страни во дијалогот да ги спроведат и почитуваат претходните договори“, рече Лајчак.

Договорот од Брисел за нормализација на односите меѓу Белград и Приштина беше потпишан на 19 април 2013 година и обете страни меѓусебно се обвинуваат за кршење на истиот.

Клучната забелешка на Белград е дека Приштина не ја исполнила својата обврска да формира Унија на српски општини во Косово, што Србија ја смета за клучна за безбедноста и самоуправата на Србите.

Прикажи повеќе...

Најново

Македонија47 минути

Од утре пак не важи бесплатниот автобуски превоз за пензионери

Oд утре, вторник, 2 јуни, повторно нема да важи бесплатното користење на јавниот превоз за возрасни лица, односно за жени...

Македонија1 час

Османи: Денеска бројот е уште позагрижувачки!

Денеска бројот е уште позагрижувачки, напиша вицепремиерот за европски прашања, Бујар Османи, на „Фејсбук“. Тој вели дека не е потребно...

Македонија2 часа

Царовска и Манчевски во самоизолација, биле на состанок со Зекири

Вицепремиерката за економски прашања, Мила Царовска, и министерот за информатичко општество и администрација, Дамјан Манчевски, од денеска се во самоизолација...

Македонија2 часа

Црна Гора не прима македонски државјани поради зголемениот број заразени

Владата на Црна Гора ја отстрани Македонија од листата држави кои немаат потреба од државен карантин при влез на територијата...

Свет2 часа

(Видео) Протестите за смртта на Афроамериканецот се проширија и во Европа

Во Лондон и уште неколку градови во Велика Британија се одржаа протести како поддршка на демонстрациите во САД, поради смртта...

Свет2 часа

(Видео) Трамп евакуиран во подземен бункер под Белата куќа

Агенти од тајната служба го спровеле американскиот претседател Доналд Трамп во бункер во време кога Белата куќа ја опколија демонстранти,...

Свет13 часа

(Видео) Астронаутите на „Спејс-икс“ и НАСА пристигнаа во вселенската станица

Вселенското летало „Dragon“ на американската компанија „Space-X“, во кое се вклучени астронаути нa НАСА, Роберт Бенкен и Даглас Харли, пристигна...

Македонија15 часа

Заев: Гласањето на изборите ќе се одржи според сите безбедносни протоколи

Избори мора да има час поскоро. Предизбрните активности и самото гласање ќе се одржат согласно сите безбедносни протоколи, пишува претседателот...

Македонија19 часа

Јанушев чека резултати од тестот по дебатата со Зекири, новинарката Мрѓа е во домашна изолација

Потпретседателот на СДСМ, Мухамед Зекири кој е заразен со коронавирус, пред два дена учествуваше на дебата во ТВ24 заедно со...

Спорт20 часа

Позитивни на Ковид-19 има во Ренова и Шкендија

Ре-стартот на фудбалскиот шампионат на Македонија, предвиден за 14 или 21 јуни, најверојатно ќе биде одложен откако четворица од Ренова...

Економија20 часа

Бектеши: Од 15 јули ваучери од 6.000 денари за домашен туризам

Министерот за економија Крешник Бектеши денеска на прес-конференција информираше дека на последната седница на Владата, на предлог на Министерството за...

Македонија20 часа

Арсовски: Несериозно и морбидно е да се зборува за избори на 5 јули

Фиксираниот датум за избори на 5 јули кога би се случиле изборите не само што е несериозно туку е морбидно,...

Македонија21 час

Најмногу новозаразени скопјани денеска има во Чаир и Бутел

Денеска во Скопје се регистрирани 24 нови случаи на ковид-19, од кои најмногу во Чаир и Бутел. Имено, од Чаир...

Македонија21 час

Потврдени 62 нови случаи на ковид 19, починаа 2 лица

Министерството за здравство информира дека денеска Институтот за јавно здравје регистрирал 62 нови случаи на ковид-19, а починале 2 лица....

Македонија21 час

Мухамед Зекири е позитивен на коронавирус

Потпрестедателот на СДСМ Мухамед Зекири на социјалните мрежи објави дека е позитивен на коронавирусот. Зекири информира дека позитивни на коронавирус...

Македонија22 часа

(Видео) Спасовски: По сила на закон изборите ќе се одржат на 5 јули

По сила на закон изборите се на истекот од 22 дена по завршувањето на вонредната состојба, што значи дека ќе...

Свет24 часа

(Видео) Маск за лансирањето: Преплавен сум со емоции, тешко е да се зборува

Елон Маск не можел да опише како се чувствува откако неговиот SpaceX во соработка со НАСА прв пат испрати астронаути...

Македонија24 часа

Во ладилник кај Миравци пронајдени над 100 мигранти, приведен е жител на Косово

Синоќа на автопатот Гевгелија – Демир Капија, кај клучката Миравци, при преглед во товарното возило „сканија“ и ладилник со скопски...

Свет1 ден

(Видео) Немири на протестите во САД, полицијата со возило туркала луѓе

Во 25 градови ширум САД воведен е полициски час по протестите за убиството на Афроамериканецот Џорџ Флојд, кој беше задавен...

Македонија1 ден

Казнети 673 лица за неносење на маска

Во текот на изминатото деноноќие на територија на целата држава, по однос на уредбата за носење на лична заштита на...

Досие