Контакт

Регион

Словенија длабоко во третиот бран на пандемијата, властите најавуваат заклучување

Објавено пред

Во последните две недели расте бројот на заразени и хоспитализирани ковид-пациенти во Словенија, па владата размислува за ново затворање од почетокот на април, е потврдено на владина прес-конференција.

Во последните 24 часа потврдени се 1.164 нови случаи на инфекција со коронавирус.

Министерот за здравство, Јанез Поклукар, изјави дека Словенија силно зачекорила во третиот бран на епидемијата, главно поради значително поголемото ширење на британската варијанта на вирусот, така што во последните две недели бројот на потврдени инфекции расте за 25 случаи на ден.

Исто така, забележано е зголемување на бројот на помлади пациенти на одделенијата за интензивна нега, а расте и процентот на британската варијанта на вирусот меѓу заразените, предупреди тој.

Поклукар потврди дека на синоќешната владина седница била донесена одлука, според која во земјата од петок ќе може да се влезе само со негативен ПЦР-тест, а не со брз како досега, со многу ретки исклучоци. Негативен ПЦР-тест исто така ќе биде услов за излегување од карантин, а не само бројот на денови во изолација, како што беше досега.

Министерот соопшти дека владината експертска група за Ковид-19, поради ширењето на вирусот и зајакнувањето на епидемијата, предложила затворање делови од социјалниот живот додавајќи дека одлуката на крајот ќе мора да биде политичка. Медиумите јавуваат дека епидемиолозите до владата предложиле ново двонеделно затворање.

Како што се наведува, поради влошената епидемиолошка состојба, владата му предложила на претседателот Борут Пахор што е можно побргу да го свика политичкиот врв на заедничка средба меѓу претседателите на сите политички партии, владата и епидемиолозите, со цел да се разговара за тоа и да се донесе одлука.

По критиките во јавноста на сметка на кампањата за вакцинација, во иднина ќе се води прецизна евиденција за категориите што се вакцинираат со цел да се избегнат неправилности, како прескокнување лица од приоритетните групи.

Досега Словенија доби речиси 350 илјади дози вакцини, а за април се ветени уште 347 илјади вклучувајќи ги и првите пратки од вакцината на „Џонсон и Џонсон“.

Според податоците на владата, во Словенија во последните 24 часа потврдени се нови 1.164 случаи на инфекција со коронавирус, со удел на позитивните тестови од 18,4 проценти. Просекот на дневно заразени во последните седум дена е 887, а починале уште четири лица, така што бројот на смртни случаи од ефектите на Ковид-19 се зголеми на 3.998 од почетокот на епидемијата.

Регион

Нови мерки во Црна Гора: Кафулињата се отворени до 23 часот, полициски час од полноќ

Објавено пред

Министерката за здравство на Црна Гора, Јелена Боровиниќ Бојовиќ, најави дека од сабота до 23 април ќе биде забрането напуштање на станбената зграда по полноќ, пазарите и продавниците ќе бидат отворени од 7 до 22 часот, а угостителските објекти од 7 часот наутро до 23 часот, известуваат медиумите во таа земја.

Истите мерки што ќе се применуваат од 17 до 23 април во Подгорица и Даниловград, претходно важеа за општините Плав, Гусиње, Петњица, Херцег Нови, Забjак, Тиват, Котор, Плузин, Будва, Тузи, Рожаје, Бар, Улцињ, Бијело Поjeе и Цетиње.

Во Никшиќ, Мојковац, Беране, Колачин, Шавник и Андријевица, сегашните мерки се прошируваат, бидејќи бројот на заразени лица на 100.000 жители е поголем од 800, рече Боровиниќ Бојовиќ.

Организирање забавни и рекреативни активности за деца и возрасни на отворени јавни места сè уште е забрането, а забраната за меѓуградски сообраќај за време на викендот останува во сила, рече таа.

Боровиниќ Бојовиќ рече дека контингент од 200.000 вакцини, а можеби и повеќе се очекува до крајот на април, а масовната вакцинација ќе започне три или пет дена подоцна.

Прикажи повеќе...

Регион

Јанша го негира нон-пејперот: Тој документ не постои

Објавено пред

Нема документ, па дури и нон-пејпер, со кој Словенија би се залагала за промена на границите на Балканот, е пораката што словенечкиот премиер Јанез Јанша му ја пренесе на членот на Претседателството на БиХ, Сефик Џаферовиќ.

Како што беше соопштено од Претседателството на БиХ, Јанша во текот на денот го повикал Џаферовиќ за да ги разјасни шпекулациите за наводниот документ што би се залагал за поделба на БиХ, но и за промена на границите на другите земји во регионот.

Копија од наводниот документ беше објавена на англиски јазик од словенечки портал, но без да се објасни кој го составил и на кого бил упатен, пишуваат агенциите од регионот.

„Словенечкиот премиер Јанез Јанша го извести членот на Претседателството на БиХ Сефик Џаферовиќ дека нема нон-пејпер што може да биде поврзан со словенечката влада, што би вклучувало прекројување граници или кршење на територијалниот интегритет на Босна и Херцеговина“, се вели во соопштението од претседателството на БиХ.

Од таму истакнуваат дека Јанша ја пренел пораката дека Словенија го поддржува суверенитетот и територијалниот интегритет на Босна и Херцеговина, како и нејзиниот евроатлантски пат, целосно почитувајќи го Дејтонскиот мировен договор.

Во телефонскиот разговор, Џаферовиќ рекол дека секоја приказна за етничките и територијалните поделби на Босна и Херцеговина треба да се спречи на самиот почеток и дека единствениот начин за БиХ е нејзината понатамошна внатрешна реинтеграција и евро-атлантска интеграција.

Јанша и Џаферовиќ разговарале и за претстојното претседателство на Словенија со Советот на Европската Унија, кое почнува во јули, како и претстојниот Самит ЕУ-Западен Балкан, чиј домаќин ќе биде Словенија и чија главна тема треба да биде забрзување на интеграцијата на регионот во Европска Унија.

Прикажи повеќе...

Регион

Лавров ја отфрли можноста за прекројување на границите на Балканот, тоа е неприфатливо

Објавено пред

Шефот на руската дипломатија Сергеј Лавров ја отфрли можноста за прекројување на границите на територијата на поранешна Југославија.

На заедничката прес-конференција по разговорите со српскиот колега Никола Селаковиќ, Лавров рече дека идејата за „Голема Албанија“ како форма на решавање на косовскиот проблем, како и изјавата на словенечкиот премиер Јанез Јанша дека распадот на Југославија уште не е завршен се неприфатливи, многу штетни и провокативни.

„Разговорите за голема Албанија не се појавија денес, ние секогаш ги повикуваме нашите партнери од ЕУ и НАТО да ги пресечат таквите планови и да не дозволат да се форсира таква реторика“, рече Лавров.

„Тоа е многу опасна игра. Постои Резолуција 1244, која не е укината, а одговорните политичари, особено шефовите на владите на европските земји, немаат право да презентираат идеи што го поткопуваат самиот концепт утврден во Резолуцијата 1244″, рече Лавров.

Тој потсети дека Резолуцијата го почитува суверенитетот на Србија, како и дека статусот на Косово треба да се најде во преговорите меѓу Белград и Приштина.

„Како што рече претседателот Путин, ние ќе го поддржиме секое решение што и одговара на Србија“, рече Лавров.

На прашањето дали Вашингтон врши притисок врз Србија да се приклучи кон санкциите против Русија, тој рече дека „секогаш има притисок“, но дека позицијата на Србија нема да се промени, бидејќи „никогаш нема да воведе санкции за Русија“, рече Селаковиќ

„Русија е наш стратешки партнер, наш пријател кој постојано нè поддржува“, додаде Селаковиќ, кој денес ја завршува дводневната посета на Русија.

Прикажи повеќе...

Најново

Регион2 часа

Јанша го негира нон-пејперот: Тој документ не постои

Нема документ, па дури и нон-пејпер, со кој Словенија би се залагала за промена на границите на Балканот, е пораката...

Македонија4 часа

Судот одреди домашен притвор за Драги Рашковски

Ексгенералниот секретар на Владата, Драги Рашковски, доби домашен притвор, кој му е изречен од Кривичниот суд. Судијата кој одлучуваше, го...

Македонија6 часа

Нови 908 заболени и 31 починат од Ковид-19

Во последните 24 часа се направени 3.616 тестирања, а регистрирани се 908 нови случаи на Ковид-19, и тоа во: Скопје...

Македонија6 часа

Заев за Рашковски: Нема недопирливи, но никој не е виновен додека за него не се докаже вина

Во однос на истрагата за поранешниот генерален секретар на Владата, Драги Рашковски, премиерот Заев вели дека нема недопирливи, но пресумцијата...

Македонија9 часа

Богдановиќ укажува дека ако се суспендира планот за зградите кај „Холидеј ин“, штетата ќе ја платат граѓаните

Во стариот Закон за урбанистичкото планирање општините немаа никакво ограничување за тоа колку да трае суспензијата или неспроведувањето на плановите...

Македонија9 часа

Филипче: Ќе преговараме Институтот „Торлак“ да ни стане стратешки партнер за набавка на вакцини

Министерството за здравство следната недела ќе преговара со српскиот Институт за вирусологија, вакцини и серуми „Торлак“ да стане наш стртепки...

Свет10 часа

СЗО: Стапката на новозаразени се ближи до нов рекорд

Бројот на нови случаи на коронавирус во светот на неделно ниво е речиси двојно зголемен во последните два месеца и...

Европа11 час

Првите „ковид-фри“ возови од денес превезуваат патници од Рим до Милано

Денес, тргнуваат специјални „ковид-фри“ возови, во кои патниците ќе може да се качуваат само со негативен тест на коронавирус, што...

Регион12 часа

„Фајзер“, „спутник В“ или „Синофарм“ – истражување во Србија покажа која вакцина штити најбргу

Граѓаните на Србија развија имунитет најбргу со вакцината на „Фајзер“ и тоа две недели по првата доза, што е за...

Македонија12 часа

Во болниците во земјата се лекуваат 1.708 ковид-пациенти

Во изминатите 24 часа во ковид-центрите во болниците во земјата е пријавено дека се лекуваат вкупно 1.708 пациенти со коронавирус...

Регион12 часа

Србија ги отвора училиштата

Кризниот штаб на Србија донесе одлука децата да се вратат на училиште. Според членот на Кризниот штаб, Предраг Кон, состојбата...

Македонија13 часа

Приведен Драги Рашковски, Обвинителството бара притвор

Полицијата го приведе поранешниот секретар во кабинетот на премиерот и поранешен генерален секретар на Владата, Драги Рашковски, во рамките на истрагата...

Европа1 ден

Четири лица починаа по примањето на вакцината на „Астразенека“ во Италија

Четири лица во Италија починаа од ретки тромби, откако беа вакцинирани со вакцината на „Астразенека“, се вели во извештајот на...

Македонија1 ден

Во Македонија 890 нови случаи на коронавирус, 35 лица починаа

Во последните 24 часа во Македонија се потврдени 890 нови случаи на коронавирус, 35 лица починаа, а оздравени се 1.024...

Македонија1 ден

Мицкоски: Илјадници луѓе се заведени во Избирачкиот список со два матични броја

Лидерот на опозицијата, Христијан Мицкоски, на денешниот брифинг со новинарите обелодени нов скандал со назив „Мафија 2“, кој се однесува...

Европа1 ден

Фон дер Лаен обвинета за кршење на дипломатскиот протокол

Претседателката на Европската комисија, Урсула фон дер Лаен, е обвинета за кршење на дипломатскиот протокол како одговор на поканата на...

Македонија1 ден

Кинеските вакцини ќе пристигнат на 28 април

Министерот за здравство најави дека на 28 април во земјата ќе стигнат 200 илјади кинески вакцини додавајќи дека потврдата ја...

Регион1 ден

Објавен нон-пејперот што го потресе регионот: предлози за нови граници на Балканот

Словенечкиот портал „Нецензурирано“ го објави нон-пејперот, односно неофицијалниот дипломатски документ за новите поделби на територијата на поранешна Југославија. Документот, кој...

Регион2 дена

Борисов ја достави оставката пред Националното собрание

Бугарскиот премиер, Бојко Борисов, утрово ја достави оставката пред новоизбраното 45-то Национално собрание на раководениот од него Совет на министрите,...

Европа2 дена

Две години од пожарот во „Нотр Дам“ – се очекува катедралата повторно да биде отворена во 2024

Катедралата „Нотр Дам“ во Париз, уништена во пожар пред две години, повторно ќе биде отворена во 2024 година, вети во...

Досие