Контакт

Регион

„Србите на Косово се борат за гол опстанок“ Брнабиќ: Владата стои на страната на својот народ во Косово

Објавено пред

Владата на Србија останува цврсто посветена на зачувување на мирот и стабилноста во регионот и стои покрај нашиот храбар и достоинствен народ на Косово, кој сака само да се спроведат потпишаните договори, изјави премиерката Ана Брнабиќ.

dobivaj vesti na viber

Таа нагласи дека претставниците на Србите од Косово, одлучувајќи да го прекинат учеството во институциите во Приштина, едноставно го бранеле меѓународното јавно право и Бриселскиот договор.

„Со ова нашите на Косово порачаа дека сакаат само мир, дека веруваат во владеење на правото и дека веруваат во сите оние партнери од меѓународната заедница кои учествуваа во постигнувањето на различни договори во текот на изминатите години, Бриселскиот договор како Прв договор за нормализација, а потоа и сите други договори, кои го вклучуваат прашањето за табличките. Во својата борба за мир, стабилност, владеење на правото и почитување на сите потпишани договори, тие секогаш ќе ја имааат целосната поддршка од Владата на Србија“, потенцира Брнабиќ во изјавата.

Таа оцени дека хистеријата во политичката јавност и медиумите во Приштина е пример за апсурд, „бидејќи не само што не се работи за повикување на конфликти, туку се работи токму за мирна и демократска реакција која е одговор на континуираното еднострано кршење на договорот, непочитувањето на Србите на Косово, како и на Европската Унија, која е гарант на Бриселскиот договор“.

„Паралелите што екстремистите во Приштина ги повлекуваат со Украина и Донбас се невкусни, несоодветни и некохерентни, но доволно зборуваат за целиот свет за оние што ги користат“, рече Брнабиќ.

Таа посочи дека Србите на Косово покажаа трпение и толеранција во текот на претходната деценија, токму затоа што сакаат мир и затоа што веруваат во владеење на правото.

„Секоја година се зголемуваше бројот на напади врз Срби, незаконски им беше конфискуван имотот, ретките повратници беа најбрутално малтретирани и повторно депортирани, невини луѓе беа апсени и осудени спротивно на бриселскиот договор, тие исто така доживеаја дека нивното право на глас, како основно демократско право, беше ускратено, а ниту еднаш не реагираа на начин да го загрозат мирот. Сега тие се едноставно ставени во ќош и продолжуваат да користат само и исклучиво демократски средства во борбата за гол опстанок“, посочи таа.

Повтори дека сакаат да видат само реализација на потпишаните договори, и ништо повеќе.

Регион

„Зидојче цајтунг“: Вучиќ постојано покажува дека повеќе се грижи за Русија, отколку за ЕУ

Објавено пред

Српскиот претседател Александар Вучиќ помина низ многу политички трансформации, но иако сега се колне во Европската унија, со секој негов потег покажува дека не следи таква политика и дека сепак многу повеќе се грижи за Русија, пишува германски „Зидојче цајтунг“.

dobivaj vesti na viber

Дневникот оценува дека „врската со Русија е една од најсилните константи во животот на Александар Вучиќ, иако во исто време тој тврди дека сака да ја одведе Србија во ЕУ“.

Весникот потсетува дека Вучиќ неодамна во Белград се сретнал со претставникот на чеченскиот претседател Рамзан Кадиров, кој се смета за одговорен за воените злосторства и во Русија и во Украина, и рекол дека „руско-српските односи не можат да бидат уништени под никаков притисок“.

„Педесет и двегодишниот Вучиќ претрпе бројни политички метаморфози – од министер за пропаганда во времето на српскиот автократ Слободан Милошевиќ и упорен националист, до наводен реформски политичар, а сега повторно во неонационалистички популист“, пишува ЗЦ.

Според весникот, Вучиќ повеќе од десет години ја одредува политиката на Србија и владее авторитарно како Виктор Орбан во Унгарија, а во Србија „дури и најголемите скандали ги објавуваат само мал број независни медиуми“.

„Ако Вучиќ навистина сакаше членство во ЕУ, пристапните преговори, кои се одолговлекуваат од 2012 година, веројатно би оделе малку подалеку. Но, во ЕУ, Вучиќ би морал да ја ограничи својата моќ. Како и разговорите со Брисел без резултати, така и разговорите со Косово заглавуваат“, велат оттаму.

Сепак, се наведува дека политиката на Вучиќ се потпира на Русија.

„Таа е поврзана со Србија не само со историјата и религијата, туку и со контролата врз српските рафинерии и компаниите за нафта и гас. До војната во Украина; ЕУ ги држеше двете очи на неа. Сега Вучиќ со месеци е под притисок да се приклучи на санкциите на ЕУ против Москва“, пишува весникот.

Прикажи повеќе...

Регион

Вучиќ од Тирана: Подобро да се биде на масата отколку на менито

Објавено пред

Претседателот на Србија, Александар Вучиќ, по пристигнувањето на самитот на лидерите на ЕУ за Западен Балкан во Тирана, изјави дека на овој собир присуствува не само поради неговото пријателство со Албанија туку и затоа што, како што рече, секогаш е подобро да се биде на масата кога има разговори „бидејќи кога не сте на масата, тогаш обично сте на менито, а тоа сите едвај го чекаат. Ова е добра можност да се заштитат интересите на Србија“, рече Вучиќ.

dobivaj vesti na viber

Вучиќ истакна дека по консултациите на државно ниво, сепак одлучил да дојде на самитот во Тирана бидејќи на тој начин Србија ќе има шанса да каже што мисли за преговорите со Приштина и за преговорите за влез во ЕУ.

Претседателот ова го изјави пред самитот на лидерите на Европската Унија и Западен Балкан одговарајќи на новинарско прашање „зошто, на крајот, дојде иако првин најави дека нема да присуствува“.

„Имаше неколку причини зошто се двоумевме да дојдеме. Некои беа поврзани со Косово, а други со дијалогот со ЕУ. По консултациите со државните органи, беше одлучено, сепак, да дојдеме бидејќи веруваме дека на овој начин ќе имаме шанса да кажеме нешто за она што го мислиме за дијалогот и за преговорите со ЕУ“, рече Вучиќ.

Вучиќ додаде дека Србија останува посветена на европскиот пат и на преговорите со ЕУ, но дека во исто време мора да ги заштити сопствените интереси.

Како што наведе, дошол во Тирана да ги сослуша политичарите од ЕУ и од регионот, но и да им каже што мисли бидејќи е важно Србија да добие поддршка за решавање на енергетските прашања. Тој посочува и дека за Србија е важно решавањето на телекомуникациските прашања и на роамингот.

На новинарско прашање дали Србија ќе воведе санкции кон Русија, Вучиќ одговори дека Србија е независна земја и дека знае кои се нејзините обврски кон ЕУ и што очекува ЕУ кога се во прашање санкциите, но и дека Србија дава пример со прашањето за територијалниот интегритет и дека тој беше нападнат во 1999 година.

На изјавата на новинарот дека Србија е премногу блиска со Русија, Вучиќ одговори дека Србија е независна земја.

„Лесно е да се изнесат лажни и измислени обвиненија против Србија. Само да ви кажам, верувам дека сите прочитавте пред 9-10 месеци дека Србија ќе ги напаѓа земјите во регионот по наредба на Русија за да предизвика дополнителни несигурности и нестабилност во регионот. И сето тоа го оспоривме не само со зборови туку и со нашите постапки. Но, на крајот, вистината ќе излезе на виделина, а тоа е дека Србија е независна земја на европскиот пат и ќе остане таму“, заклучи Вучиќ.

Прикажи повеќе...

Регион

(Видео) Детонации во Зубин Поток, се слушнаа и сирени

Објавено пред

Денеска, околу 12 часот, членовите на општинската изборна комисија во Зубин Поток, придружувани од косовската полиција, насилно влегле во зградата на општина Зубин Поток, што предизвикало бунт кај граѓаните, кои случајно се нашле таму, а биле пуштени сирени.

dobivaj vesti na viber

На „Инстаграм“ се појави видео од Зубин Поток, на кое се слушаат сирени како одекнуваат во општината:

 

View this post on Instagram

 

A post shared by Zubin Potok INFO (@zubinpotokinfo)

Како што објави „Косово онлајн“, се слушнале две експлозии, а од општинската зграда по неколку минути излегле членови на општинската изборна комисија и припадници на косовската полиција.

Според информациите од местото на настанот, членови на општинската комисија со асистенција на полициски службеници насилно влегле во просториите на Општината, ги искршиле вратите и ги смениле бравите пред да ја напуштат зградата.

Денешната акција на полицијата и членовите на општинската изборна комисија е спроведена по налог на централната изборна комисија, која има намера да организира вонредни избори за претседателите на општините Зубин Поток, Северна Митровица, Лепосавиќ и Звечан на 18 декември во четирите северни општини.

На изборите во Зубин Поток се пријавија двајца албански и ниту еден српски кандидат.

Претседателите на четири општини на 5 ноември одлучија да ги напуштат сите косовски институции заедно со другите Срби на северот на Косово незадоволни од одлуките на владата во Приштина.

Во Зубин Поток е мирно по повлекувањето на полицијата.

Прикажи повеќе...

Најново

Македонија1 час

(Интервју) Наќе Чулев: Немаме гаранција дека не нè прислушкуваат

Состојбата во безбедносниот сектор е крајно хаотична. Македонија стана логистичка база за поддршка во издавање документи, државјанства, банкарски сметки на...

Македонија2 часа

Ленин Јовановски: Се повлекувам од протестот на превозниците, но блокадите остануваат

Директорот на „Слобода превоз“, Ленин Јовановски се повлекува од протестот на превозниците и од сите процеси кои ќе следат понатаму...

Македонија6 часа

Повторно закани за бомби во скопските училишта

Поради закана за поставена бомба и утрово наставата е прекината во девет скопски средни училишта. Учениците се евакуирани, а на...

Економија6 часа

Потпишани четири договори на компании од Македонија и Бугарија, вредни над три милиони евра

На иницијатива на министрите за надворешни работи на Македонија и Бугарија, Бујар Османи и Николај Милков, денес во Скопје се...

Македонија7 часа

Вооружени лица нападнаа чувар и запалија неколку банкомати во Чаир

Неколку вооружени лица рано утрово го нападнаa чуварот во трговскиот центар „Поинт ретаил парк“ и запалиja неколку банкомати. Утрово полицијата...

Свет7 часа

Лукашенко нареди преместување на воените сили на границата со Украина

Белорусија денеска и утре планира да премести воена опрема и безбедносни сили. Државната новинска агенција Белта објави дека Белорусија преместува...

Свет7 часа

Во Германија уапсени 25 десничари и поранешни војници кои планирале државен удар

Во рации низ Германија уапсени се 25 луѓе осомничени дека се обиделе насилно да ја соборат владата. Германските медиуми наведуваат...

Македонија8 часа

Град Скопје со нов јавен повик за линиите 20 и 22, „Слобода превоз“ и „Макекспрес“ нема да може да конкурираат

Градоначалничката на Скопје, Данела Арсовска, најави јавен повик кој треба да биде објавен денеска, а се однесува на линиите од...

Македонија8 часа

Продолжуваат блокадите во Скопје, хаос во сообраќајот

Трет ден по ред хаос во Скопје поради блокадите од страна на приватните превозници. Блокирани се неколку клучни крстосници во...

Регион20 часа

Вучиќ од Тирана: Подобро да се биде на масата отколку на менито

Претседателот на Србија, Александар Вучиќ, по пристигнувањето на самитот на лидерите на ЕУ за Западен Балкан во Тирана, изјави дека...

Македонија22 часа

(Видео) Ковачевски од Тирана: ЕУ покажа дека е посветена на проширувањето

Премиерот Димитар Ковачевски, денеска, на самитот Западен Балкан – ЕУ во Тирана изрази задоволство што првпат ваков самит на сите...

Македонија1 ден

Владата го поништи државјанството на Онишченко

Владата на денешната седница одлучи да се поништи одлуката за прием на Олександр Онишченко во државјанство на Република Северна Македонија....

Македонија1 ден

Агелер: Тим за санкции од Вашингтон ќе сузбива корупција во Македонија

Тим од Вашингтон допатувал во Македонија за да врши мониторинг врз правосудството и коруптивните актери. За ова на „Твитер“ објави...

Македонија1 ден

Пенов за блокадите во Скопје: Ова е самоволие, граѓаните трпат преголема штета

Ристо Пенов, министер за локална самоуправа, одби да каже кои се мерките кои државата ќе ги преземе за да ги...

Свет1 ден

Кремљ: Потребен е долгорочен мир, но во моментов нема шанси за разговори со САД

Од Кремљ пристигна одговор на коментарите на американските претставници, во кои Русија тврди дека е потребен фер и долгорочен мир,...

Регион1 ден

Урсула фон дер Лајен: Западен Балкан повторно оди напред

Претседателката на Европската комисија, Урсула фон дер Лајен, денеска пред Самитот ЕУ-Западен Балкан во Тирана истакна дека напредокот повторно е...

Македонија1 ден

Потпишан договор за поевтини роаминг-услуги за земјите од Западен Балкан со земјите од ЕУ

Премиерот Димитар Ковачевски денеска во рамките на Самитот Западен Балкан – Европска Унија во Тирана заедно со лидерите од Западен...

Свет1 ден

Армијата на Белорусија започна вежби за борбена готовност

Вооружените сили на Белорусија почнаа вежби за борбена готовност за сите категории воен персонал. Како што соопшти Министерството за одбрана...

Македонија1 ден

Премиерот Ковачевски на Самит во Тирана пречекан од премиерот на Албанија

Претседателот на Владата на Република Северна Македонија, Димитар Ковачевски, денеска во Тирана беше пречекан од премиерот на Република Албанија, Еди...

Македонија1 ден

Приватните превозници втор ден го блокираат Скопје

Втор ден сообраќаен хаос во Скопје. Продолжуваат блокадите од приватните превозници. Автобусите и во текот на ноќта останаа на трите...