Српскиот претседател Александар Вучиќ вечерва на прес-конференција истакна дека е важно што повеќе луѓе во Србија да бидат вакцинирани. Тој ги повика граѓаните да се вакцинираат.

„ Имаме и ќе имаме вакцини. Ве молам, како Бог, вакцинирајте се, не слушајте приказни за неодговорни луѓе. Тие го прават тоа за свое добро со цел да си ги наполнат џебовите. Вакцинацијата ја одредува и економската иднина на Србија. Но, јас ќе се вратам на спасување на животите на нашите луѓе, особено на старите лица. Се разбира, и помладите умираат, но тоа е ретко”, нагласи српскиот претседател.

Вучиќ рече дека 95% од случаите на луѓе кои умираат биле на возраст од 57 и 58 години. Тој побара да се вакцинираат старите лица и изјави дека најмалку вакцинирани има во општините Тутин, Мерошина, Бабужница и Чагубица, каде биле вакцинирани од 9,5 до 12 проценти.

View this post on Instagram

A post shared by Aleksandar Vučić (@buducnostsrbijeav)

Најави дека најмалку милион и пол вакцини ќе пристигнат во април во Србија. Тој додаде дека повеќето луѓе се вакцинирани во богатите општини, и дека тој и премиерката Ана Брнабиќ ќе патуваат кај нив за да ги мотивираат луѓето да се вакцинираат.

„ Ќе одам на некои места, ќе одам кога ќе поминеме милион ревакцинирани, ќе одам да се вакцинирам во Чагубица или Мерошин за да ги замолам луѓето да се вакцинираат“, рече тој.

Вучиќ нагласи дека ако не била извршена вакцинацијата, тогаш ќе имало 10 и 13.000 заразени на дневна основа, само благодарение на ревакцинацијата, успеале да ги држат броевите под контрола.

Авион кој летал од Париз за Њу Делхи вчера попладне морал принудно да слета во Софија поради агресивно однесување на едне патник. Патникот, кој е државјанин на Индија, за време на летот на компанијата „Ер Франс“, почнал агресивно да се однесува набрзо по полетувањето.

Како што објаснил претствник на Националната истражна агенција, Ивајло Ангелов, патникот се карал со останатите патници, ги навредувал стјуардесите и удирал по вратата на копилотот.

Поради неговото однесување, капетанот морал да бара принудно слетување во Софија, пренесе „Ројтерс“.

„Ги истражуваме неговите мотиви и однесување, за кое не постои разумно објаснување“ рекол Ангелов.

Човекот, чие име не е откриено, е изнесен од авионот и обвинет за загрозување на безбедноста на летот за што му се заканува затворска казна од 10 години.

Во Србија синоќа пристигнаа 500.000 вакцини од руската компанија „Синофарм“. Авионот со вакцини на аеродромот „Никола Тесла“ во Белград го пречека претседателот на Србија, Александар Вучиќ.

„Согласно протоколите вечерва дојдов сам на аеродромот ‘Никола Тесла’. Нашиот најголем авион А330 достави 500.000 вакцини на ‘Синофарм’. Дојдов уште еднаш да му покажам почит и благодарност на претседателот Шји Ѓинпинг и на кинескиот народ”, рече Вучиќ во видео обраќање на социјалните мрежи.

„Благодарен сум на Кина, горд на Србија!“, напиша претседателот на Србија.

Вучиќ ги повика граѓаните да се вакцинираат и со тоа да спасат животи.

„Вечерва имаме вкупно 2.620.000 вакцини и се договоривме за вкупно 13 милиони и 350.000 вакцини“, рече претседателот на Србија.