Епидемиологот и член на кризниот штаб на Србија, Предраг Кон, изјави дека медицинскиот дел од кризниот штаб бара многу построги мерки, односно целосно затворање, освен продавниците за храна, аптеките и бензинските пумпи.

„Имавме метеж за време на викендот поради скратување на работното време и не мислам дека многу ќе се забележат последиците од оние мерки што важеа за викендот“, рече Кон.

Кога станува збор за целосно затворање, Кон вели дека е потребно да се затворат сите објекти минимум седум до 10 дена.

Ова би значело дека објектите ќе бидат затворени, но потребно е да се воведат итни мерки.

„Ова трае долго и не треба да дозволиме нон-ковид болниците да се вратат во ковид-системот“, вели Кон.

Лична одговорност, вели тој, очигледно не може да се очекува.

„Факт е дека се откриени незаконски собири кои овозможуваат понатамошно ширење на вирусот“, додаде српскиот епидемиолог.

„Единствената реална работа е да се преземат построги мерки и за нив е потребна вонредна состојба“, рече тој.

Во последните 24 часа во Србија на коронавирус биле тестирани 16.743 лица, од кои позитивни биле 4.157, а починале 16 лица.

Според најновите податоци на Министерството за здравство и Институтот „Батут“, 168 пациенти се приклучени на апарати за дишење.

Од овој викенд во сила се нови мерки – угостителските објекти и трговските центри се отворени само до 14 часот, а храната и услужните активности може да бидат отворени до 20 часот.

Црногорската полиција денеска соопшти дека во Беране била приведена 60-годишна жена со иницијали Б. К. од Гусиње, која управувала возило под дејство на дрога.

„Заедно со барањето за поведување прекршочна постапка, Б. К. беше донесена до надлежниот прекршочен суд, каде што ѝ беше изречена глоба од 480 евра, забрана за управување моторно возило во траење од четири месеци и три казнени поени“, соопшти полициската управа.

Полицијата во Беране запрела и 24-годишен возач, кој возел со 153 километри на час, во место каде што максимално дозволената брзина била 70 километри.

Тој бил казнет со глоба од 300 евра, соопшти полицијата.