Повеќе од илјада приврзаници на опозицијата се судрија денеска со полицијата на антивладините протести во Тирана, барајќи оставка на премиерот Еди Рама и вонредни избори.

Демонстрантите во еден момент се пробиле низ полицискиот кордон и се обиделе да упаднат во канцеларијата на премиерот. Во таа прилика, со метални шипки ги скршиле вратите на владината зграда и фрлале молотови коктели. Демонстрантите уништиле две големи уметнички инсталации пред зградата, но не успеале да влезат внатре, објави агенцијата АП.

Група демонстранти протестирала и против намерата на владата да изгради обиколница околу Тирана, а меѓу нив биле и станари чии куќи треба да се урнат поради овој инфраструктурен проект.

Полицијата фрлила солзавец за да ги потисне демонстрантите, а според Министерството за здравство, 15 лица се повредени, меѓу кои и седуммина полицајци.

Албанскиот претседател, Илир Мета, ги повика демонстрантите на воздржаност, а европските официјални претставници повикаа да се смират тензиите.

Албанската полиција за утрешните антивладини протести кои ги организира обединетата опозиција, ангажирала повеќе од 2 000 полицајци.

Од албанското МВР соопштија дека ќе ги преземат сите неопходни мерки за да спречат ескалација на протестите.

Функционерот од грчката опозициска партија Нова Демократија, Јоргос Кумуцакос, регираше на тврдењата на албанскиот премиер, Ед Рама, дека Атина и Тирана се во преговори за потенцијални корекции на границите, истакнувајќи дека таквите тврдења се закана за безбедноста, пренесе АНА-МПА.

„Тврдењата на Рама за тоа дека преговара за границите со Грција, што е всушност дел од проектот за корекција на границите на Западен Балкан, претставуваат сериозна закана за стабилноста и безбедноста на регионот“, вели Кумуцакос.

Тој побара од грчката влада да појасни и да одговори дали е вклучена во разговори со албанските функционери за прекројување на границите помеѓу двете земји.

Истовремено, тој ја повика владата да заземе официјален став по повод изјавата за Рама во врска со корекцијата на границите во регионот.