Регион
Американците испраќаат специјалец во Белград по веста за руски „Панцир“
В петок во Белград доаѓа Томас Зарзецки, кој раководи со Работната група 231 на американскиот Стејт департмент, пренесува „Вечерње новости“. Според пишувањата на весникот, таа група е задолжена за примена на санкците кон рускиот безбедносен сектор и кон оние што соработуваат со него. Посетата на Зарзецки е закажа откако во Србија беше објавено дека го купиле рускиот ПВО-систем „Панцир-С“.
Прописот за чие споведување е задолжен Зарзецки официјално се вика Закон за спротивставување на американските противници со помош на санкции и предвидува можно казнување на кој било поединец, фирма или држава за која ќе се утврди дека свесно се впуштиле во значајна размена со воениот и разузнавачкиот сектор на Русија.
Овој документ содржи и списоци на фирми од областа на руската наменска индустрија со кои, според американските прописи, е забранета соработка. Меѓу забранетите фирми се и неколку компании со кои Србија соработувала или од нив набавувала воена опрема.
Таму се, меѓу другите, бирото КБП кое го проектирало „Панцир“ и производителот на авиони „МиГ“, како и јавното претприатие РОЕ преку кое се изведува сета продажба на руското вооружување и воена опрема.
На „црната листа“ е и компанијата „Руски хеликоптери“, под која работи и познатиот завод во Казањ кој ги произведува хеликоптерите Ми-17 што Србија ги купи и Ми-35 (убиецот на тенкови), што Србија ги порача, наведува весникот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Мајката на осомничениот за убиството на Данка: Не го видов телото на мојот син
Светлана Драгијевиќ, мајката на Далибор Драгијевиќ, кој почина од насилна смрт во полициската станица во Бор, на распитот за убиството на Данка Илиќ (2) за порталот „Нова.рс“ вели дека нејзиниот починат син бил жртва на полициска тортура.
Таа истакнува дека не го видела телото и дека сѐ уште го чека извештајот од обдукцијата на синот.
Драгијевиќ е брат на Дејан, осомничениот за убиството на девојчето Данка Илиќ. Тој беше приведен на 6 април под сомнение дека му помогнал на својот брат да го скрие нејзиното тело, а почина ноќта меѓу саботата и неделата, односно на 7 април.
Мајката на Драгијевиќ за „Нова.рс“ изјави дека никој не дошол кај неа да ѝ каже дека син ѝ е претепан, туку дека само полицаецот дошол да ја извести за погребот.
„Не се сомневам дека ќе се дознае кој го убил, од Бор се. Извештајот од обдукцијата сѐ уште не сум го добила, па се надевам дека ќе открие сѐ“, вели Светлана, која исто така наведува дека не го видела телото на синот.
Неделникот „Радар“ неодамна објави дека обдукцијата покажала оти Драгијевиќ починал со насилна смрт, а доказ за тоа се многуте повреди што ги имал на телото. Но, полицијата во соопштението наведе дека Драгијевиќ починал од природна смрт, односно му се слошило во полициската станица.
Полицијата ги уапси работниците на ПУК „Водовод“, Дејан Драгијевиќ и Срѓан Јанковиќ, под сомнение дека го убиле девојчето Данка Илиќ. Таткото Радослав и братот Далибор на осомничениот Драгијевиќ беа приведени под сомнение дека му помогнале да го скрие телото на детето.
Телото на Данка сѐ уште не е пронајдено.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.
Регион
Девојка што исчезна во март во Србија е пронајдена
Тијана Симиќ, која била пријавена за исчезната на 13 март оваа година, и последен пат била видена на Карабурма во Белград, е пронајдена повеќе од еден месец од нејзиното исчезнување.
Засега не се познати детали, а среќните вести ги објави нејзината сестра на „Твитер“.
„Тијана ја пронајдовме, ви благодарам на сите за помошта“, напиша таа.
Tijanu smo pronašli, hvala puno svima na pomoći ♥️
— fifo (@sofoklee) April 24, 2024
Семејството на Тијана молеше за помош или било каква информација за неа, и после повеќе од еден месец е пронајдена.