Регион
Апатурај: Сè уште не е обезбедна стабилност во Западен Балкан
Заменикот на помошник-генералниот секретар на НАТО за политички прашања и безбедносна политика, Џејмс Апатурај, изјавил дека стабилноста на Западен Балкан сè уште не е обезбедена, дека постојат предизвици, како и дека aлијансата во тој поглед сака да помогне.
Тој рекол дека регионот не е градина, туку една од собите на заедничкиот европски дом, чија цел е да придонесе за безбедност.
Западен Балкан од секогаш бил регион од стратешко значење, вели Апатурај, кој додава дека политичкото значење на регионот пораснало во последните години и дека НАТО сака да додаде дополнителна енергија и да поттикне земјите во регионот да ги остварат своите цели, кои и да се.
„Некои од земјите сакаат да влезат во НАТО и ние тоа го поддржуваме, но некои не сакаат. Србија е една од нив, тоа го почитуваме, но сакаме повеќе практична соработка и повеќе политички дијалог и разбирање и затоа вложуваме во тоа“, рекол Апатурај.
Тој нагласи дека НАТО има и други неповрзани партнери, како што се Финска и Шведска, но и Ерменија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Регион
Еден од убијците на Данка бара нов адвокат
Второосомничениот Срѓан Јанковиќ кој цело време се бранеше со молчење во Обвинителството му го откажал полномошното на својот адвокат бидејќи не сака повеќе да го брани.
Јанковиќ побарал да му биде доделен адвокат по службена должност, пренесуваат српските медиуми.
Ова не изненади бидејќи ретко се случува на сред рочиште осомничениот да побара смена на адвокат – велат од обвинителството.
– Понатамошната постапка е таква што следува разговор на новиот адвокат со осомничениот Јанковиќ. Со оглед на текот на рочиштето, апсолутно секој адвокат ќе го советува да престане да се брани со молчење бидејќи подобро е самиот Јанковиќ да каже се што знае. Убедени сме дека е прашање кога Јанковиќ доброволно ќе ја изнесе својата одбрана во обвинителството. Се надеваме дека постои можност да се дознае каде е телото на малата Данка – неофицијално се дознава од надлежните.
Доколку се оствари предвидувањето на обвинителството, се очекуваат нови моменти во истрагата откако Јанковиќ ќе ја каже својата верзија за настаните.