Регион
Првата вакцина што пристигнува во Косово во текот на февруари е на „Астра зенека“
Првиот контингент вакцини против коронавирусот од програмата „Ковакс“ на компанијата „Астра зенека“, произведени од Универзитетот „Оксфорд“ во Велика Британија, ќе пристигне во Косово во текот на февруари, потврди Исме Хумоли од Светската здравствена организација (СЗО) во Косово, за Радио Слободна Европа (РСЕ).
„Донацијата е за 20 отсто од населението, што е некаде околу 360.000 дози за граѓаните на Косово. Преговараме со ’Астра зенека’ и ’Фајзер’. Тоа се два производитела со кои разговараме за дистрибуција на вакцини во Косово, но првиот контингент се очекува да биде од ’Астра зенека’“, рече Хумоли.
„Ковакс“ е програма на СЗО, која има цел да достави вакцини во посиромашните земји.
Европската агенција за лекови ја одобри вакцината на „Астра зенека“ на 29 јануари 2021 година за лица над 18 години.
Според Агенцијата, вакцината била тестирана на лица на возраст меѓу 18 и 55 години.
Германската комисија за вакцини не препорачува имунизација на постарите лица над 65 години со вакцината на „Астра зенека“.
Хумоли забележува дека ефективноста на таа вакцина е повеќе од 90 проценти и се дава двапати.
Би-би-си објави дека најновата студија, што ја спроведе Универзитетот „Оксфорд“ и која сè уште не е објавена, покажала дека ефективноста на вакцината на „Астра зенека“ е 76 проценти по приемот на првата доза и дека се очекува лицето да биде заштитено од коронавирус по ревакцинацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.
Регион
Девојка која исчезна во март во Србија е пронајдена
Тијана Симиќ, која била пријавена за исчезната на 13 март оваа година, и последен пат била видена на Карабурма во Белград, е пронајдена повеќе од еден месец од нејзиното исчезнување.
Засега не се познати детали, а среќните вести ги објави нејзината сестра на „Твитер“.
„Тијана ја пронајдовме, ви благодарам на сите за помошта“, напиша таа.
Tijanu smo pronašli, hvala puno svima na pomoći ♥️
— fifo (@sofoklee) April 24, 2024
Семејството на Тијана молеше за помош или било каква информација за неа, и после повеќе од еден месец е пронајдена.
Регион
Во БиХ уапсени 14 криумчари, превезувале мигранти во Хрватска, заработиле 3 милиони евра
Припадниците на Граничната полиција на Босна и Херцеговина уапсија 14 лица под сомнение дека организирале мрежа на криумчари на илегални мигранти преку границата со Хрватска. Акцијата под кодното име „Пирамида“ координирана од Обвинителството на БиХ беше спроведена на 16 различни локации низ земјата.
Како што беше утврдено во досегашната истрага, уапсените организирале илегално преминување на границата на најмалку 600 лица, од кои стотина се деца.
„Според прелиминарните податоци, оваа меѓународна организирана криминална група во изминатите шест месеци остварила финансиска корист од повеќе од шест милиони конвертибилни марки (три милиони евра)“, се вели во полициското соопштение.
Разбивањето на оваа мрежа на трговци со луѓе беше спроведено заедно со Управата за криминалистичка полиција на МВР на Република Хрватска и Европол и со учество на припадници на Агенцијата за разузнавање и безбедност на Босна и Херцеговина (ОСА).
Граничната полиција на БиХ наведува дека продолжува да презема мерки за спречување на шверцот на луѓе, особено против организираните криминални групи. Потсетуваат дека во првите три месеци од годинава полициски службеници и граничари до обвинителството поднеле 83 пријави против 177 лица поради постоење основи на сомнение дека сториле 110 кривични дела криумчарење луѓе.