Регион
Балканските лидери се договориле да се воздржат од мешање во туѓи внатрешни работи
Лидерите на балканските земји, што учествуваа на состанокот во рамките на Брдо процесот , на кој беше и германскиот претседател Франк Валтер Штајнмаер, не само што се скарале туку и се договориле во иднина да не се мешаат едни на други во внатрешните работи на земјите. Ова е клучниот дел во усвоените заклучоци од состанокот, покрај тој да избегнуваат употреба на националистичка и провокативна реторика.
“Ние, лидерите од Брдо процесот – Бриони потврдуваме дека клучна определба на оваа средба е да се зајакне нашата одговорност за политичката стабилност и помирување во Југоисточна Европа, која се соочува со предизвици поради забавување на процесот на проширување на ЕУ и порастот на негативните глобални трендови. За да се постигне стабилност, владеењето на правото мора да преовладува како принцип во сите аспекти и во поширокото соседство. Исто така, потребно е да зајакне отворниот дијалог и да се избегнува националистичка и провокативната реторика“, стои во заклучоците, па се додава:
„Слободата на избор на политички и безбедносни усогласувања треба да биде самостоен и независен избор на секоја земја. Ја повторуваме потребата од воздржување од било какво мешање во работите кои се однесуваат на процесот на донесување одлуки, кои се суштински во рамките на домашната јурисдикција“, стои во заклучоците од самитот.
Во останатиот дел лидерите се обврзуваат на „искрен ангажман во процесите на помирување и решавање “ на спорните прашања на мирен начин и преку политички дијалог, во согласност со меѓународното право и добрососедските односи, со цел да се постигнат праведни и фер решенија.
Последните месеци имаше многу епизоди на националистички препукувања меѓу балканските лидери, а обидот за државен удар во Црна Гора, Тиранската платформа и присуството на српскиот агент во македонскиот Парламент за време на крвавите настани излегоа далеку од тоа и преставуваа мешање во внатрешните работи на земјите.За првпат на самит на балканските лидери ваквите спорни прашања и практики излегоа на преден план место да се ставаат под тепих.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.