Регион
Баша: Албанците во земјите од Западен Балкан ќе бидат заедно во ЕУ
Лидерот на албанската опозициска Демократска партија, Љуљзим Баша е убеден дека сите Албанци, кои живеат во земјите од Западен Балкан еден ден ќе бидат заедно во Европската унија.
Албанија, вели тој, сака да се приклучи кон Европската унија.
„Исто така, постојат идентични аспирации за Северна Македонија, Косово, Црна Гора и Србија. Затоа сум убеден дека сите Албанци од овие пет земји еден ден ќе бидат заедно, како членки на ЕУ“, рече Баша, во интервју за словенечкиот весник „Дело“, а пренесува агенцијата „Танјуг“.
Запрашан за тоа која е пораката на опозициските протести, кои веќе некое време траат во Албанија, тој вели дека одговорот е многу едноставен – Албанија да биде како Европа.
„Сакаме слободни избори, владеење на правото и правда еднаква за сите. Триесет години по падот на комунизмот, луѓето го гледаат фактот дека Албанија има легална, но заробена држава. Овој пат, не поради идеолошка тиранија, туку поради автократско владеење“, изјавил Баша во текот на неодамнешната посета на Словенија.
Тој додал дека Албанија во моментов е на политички крстопат и оти неопходно е земјата веднаш да биде ослободена од автократијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.