Регион
Борисов пред ЕП: Со Договорот со Македонија ја отворивме темата за интеграциите на Западен Балкан
Најголемиот успех за бугарското претседателство со ЕУ е европската перспектива за земјите од Западен Балкан. Не може да има мир и просперитет на континентот додека целата Европа не е обединета. Ова го истакна бугарскиот премиер, Бојко Борисов, за време на неговиот извештај за бугарското претседателство во Европскиот парламент во Стразбур, објави БГНЕС.
„Самитот на 17 мај им помогна на Атина и на Скопје да го решат спорот за името, што е историски момент со кој се гордееме. Со Договорот за добрососедство помеѓу Бугарија и Македонија ја отворивме темата за Западен Балкан и дадовме личен пример. Ние сме прагматични, напорно работевме за поврзување на регионот“, изјави Борисов пред Европскиот парламент.
За време на своето обраќање, бугарскиот премиер ја истакна средбата ЕУ-Турција во Варна, која била клучна за намалување на миграцискиот притисок, а истовремено се осврна и на успесите на бугарската економија со што, како што рече, Бугарија докажала дека е лојален и трпелив партнер на патот кон членство во еврозоната.
Претседателот на Европската комисија, Жан-Клод Јункер, ѝ заблагодари на Бугарија за претседавањето со Унијата.
„Мотото на вашето претседателствување беше ‘Единството прави моќ’. Ова го сумира начинот на пристапување кон претседателството. Ми беше задоволство да работам со бугарското претседателство. Изградивте мостови, сплотувавте луѓе, а постигнавте успех и во разни индустрии“, истакна Јункер.
По Бугарија, Австрија го презде преседавањето со ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење откако девојчето исчезнало. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски Блиц.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски Информер.
– На ден пред исчезнувањето и на денот на исчезнувањето на Данка Илиќ, многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци – рекол изворот.
Како што се дознава, пред исчезнувањето на Данка Илиќ, мајката три пати го фотографирала детето од различни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде е на распит за околностите на нејзината исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.