Регион
Борисов: Трифонов е политички страшливец
Слави Трифонов треба да отиде да го земе мандатот и да објасни зошто не може да ја управува државата со 165 пратеници. Ова го изјави бугарскиот премиер во заминување, Бојко Борисов, откако првиот човек на Има таков народ изјави дека неговата партија ќе го врати мандатот за состав на влада.
„Тоа се нарекува политички страшливец. Страшливец е оној што 165 пратеници вели дека не му се доволни и сака 240“, рече Борисов.
Осврнувајќи се на предлогот на Трифонов за назначување на шампионката во шах Антоанета Стефанова за кандидат за премиер, Борисов изјави дека никој не ја оспорува титулата во шах, но тука станува збор за управување и политика.
„Целата моја почит кон Антоанета Стефанова, но ако стане премиер, таа за сè ќе оди да го прашува пратеникот Слави Трифонов. Интересно беше да се видат нивните експерти и министри. Со Стефанова ќе треба да разговарам само за шахот. Малку се експертите што може да го оспорат нејзиното знаење во оваа област, но тука станува збор за нешто друго“, рече премиерот во оставка.
Борисов додаде дека за нови избори, ќе бидат потрошени повеќе од 200 милиони лева. Наместо овие пари да одат во економијата, ќе се гласа повторно кој да освои мнозинство.
Слави Трифонов утрово на „Фејсбук“ ја објави кандидатурата на Антоанета Стефанова од Има таков народ за премиер. Таа веднаш ќе го врати мандатот затоа што, според Трифонов, неговата партија нема доволно пратеници за формирање влада. Сепак, некои од аналитичарите се убедени дека Има таков народ верува оти на нови избори ќе освои поголем број пратенички места и ќе има поголеми шанси за формирање стабилна влада.
Минатата недела мандатот го врати и кандидатот на ГЕРБ – партијата на досегашниот премиер Бојко Борисов, која освои најмногу гласови на изборите во Бугарија. Со новонастанатата ситуација сѐ повеќе извесно е дека бугарскиот претседател Румен Радев ќе мора бара трет мандатар. Доколку и овој обид е неуспешен, Радев, според уставот, ќе мора да го распушти парламентот и да распише нови избори во рок од два месеца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.
Регион
Пленковиќ по победата на изборите во Хрватска: Набргу ќе дознаете со кого ќе имаме мнозинство
Актуелниот премиер на Хрватска, Андреј Пленковиќ, чија партија ХДЗ победи на парламентарните избори во Хрватска, објави дека набргу ќе се знае со кого ќе формираат влада.
„Одлично е чувството, трета победа во низа и убедлива, тоа никој не успеа да го направи пред нас. Презадоволни сме, урнат е митот дека високиот одѕив не ѝ одговара на ХДЗ“, изјави Пленковиќ.
„Многу набргу ќе дознаете со кого ќе формираме ново мнозинство во Собранието. Разговаравме со некои наши колеги уште синоќа, а денеска ги продолжуваме разговорите. Сè оди добро, победниците ќе ја водат владата и во третиот мандат“, порача Пленковиќ.
Неофицијалните резултати по обработката на речиси сите избирачки места, според пресметките, покажуваат дека ХДЗ убедливо победува на парламентарните избори и освојува 61 мандат, а Риека правде на СДП добива 42 мандата.