Регион
Брачен пар од Ирска, место медец месец, доживеал пекол во Грција
Брачен пар од Ирска, кој бил на меден месец во Грција, доживеал вистински пекол. Невестата е повредена во пожарите што ја зафатија околината на Атина, а младоженецот исчезнал во огнената стихија и по него се трага.
Зои Холохан и Брајан О’Калаган Вестроп од Даблин се венчале минатиот четврток по што заминале на свадбено патување во Грција. Биле сместени во близина на популарното одморалиште во Мати, на 30-ина километри од Атина, кое е најпогодено од пожарите.
Брачниот пар на возраст од 40 години се обидел да побегне од хотелот во кој бил сместен кога пламените јазици ја зафатиле областа. Но, притоа тие се раздвоиле.
Honeymooning Irish bride in hospital for serious burn injury as new husband still missing amid horror wildfires in Greece https://t.co/imIJSkJl9B
— Irish Sun (@IrishSunOnline) July 25, 2018
„Сликата беше многу хаотична. Беа принудени да побегнат од хотелот директно во пеколот. Рипнаа во автомобилот кој поминуваше покрај нив, но пламен имаше на сите страни“, раскажува сведок.
Младата жена има изгореници по главата и на рацете и во моментов се лекува во една грчка болница. Но, од нејзиниот сопруг нема никаква трага. Неговите пријатели и семејството очекуваат вести за Брајан.
Ирското Министерство за надворешни работи и помага на Зои и на грчките спасувачки тимови да го пронајдат нејзиниот сопруг.
Досега во 15 пожари кои симултано избувнаа околу Атина погинаа најмалку 79 лица, а повредени се над 150.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.