Регион
Бугарскиот пратеник по протерувањето од Македонија: Очекувам остра реакција од Бугарија и ново вето за Северна Македонија
Ангел Георгиев во саботата отпатува да ја одбележи 151-годишнината од раѓањето на Гоце Делчев и да го посети гробот на револуционерот во Скопје.
Георгиев тврди дека бил претепан на точката меѓу Бугарија и Северна Македонија – Гуешево-Деве Баир.
„Околу пет-шест часа имаше огромна колона Бугари кои сакаа да го почитуваат споменот на Гоце Делчев. Тоа намерно го направија македонските власти, рече Георгиев.
Според неговите зборови, тој сакал да се слика, а граничната полиција ги нападнала него, новинарот на Еуроком Адријан Асенов и Петко Русанов.
„Не тепаа, не удираа со тупаници и клоци. Имам модрица на окото, повреден ми беше носот. Ме удираа во главата со тупаници“. Имаше закани од типот „Ќе ве здробиме како кучиња“, додаде Георгиев.
„Телефонот ми падна и остана таму и не ми го вратија. Побарав да се јавам на адвокат, не ми дозволија, сакав да викнам доктор но ми рекоа дека не работат за викенд и не ми дозволија да контактирам со моето семејство“, рече Георгиев.
Подоцна не одведоа во Крива Паланка, не обвинија дека употребуваме навредливи зборови, што не е точно.
Зборовите на новинарот Симеон Милков ни се препишани. Тој се однесуваше непријатно, арогантно. Тој ги кажа овие навредливи зборови кои ни се препишани нам. Целосно неправедно сме осудени. Ова е директна пропаганда. Никој не дојде од Бугарија да не заштити, објасни Георгиев.
Немаме никаква поддршка од бугарската држава, рече тој. Дали нашата држава не штити нас или некој друг?, прашува Георгиев.
Според него, треба да има остра реакција од страна на Бугарија и да се постави прашањето за ново вето.
Се додека не плати за ова што го направи, Северна Македонија не треба да биде дел од Европската Унија.
Георгиев истакна дека ќе се жалат на одлуката на судот во Северна Македонија, пренесе ,,24часа”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Неписмени гангстери: реакција на Милановиќ по одлуката на Уставниот суд
Хрватскиот претседател Зоран Милановиќ денеска ја коментираше одлуката на Уставниот суд за неговата кандидатура.
Медиумите во регионот потсетуваат на одлуката на Уставниот суд во која е заклучокот дека хрватскиот претседател Зоран Милановиќ не може да учествува во политичките активности на ниту една политичка партија додека ја извршува својата функција. Претседателот на Уставниот суд,Мирослав Шепаровиќ му забранил да биде на избирачкиот список и на кој било начин да учествува во изборната кампања додека е претседател.
„Тоа го направија на гангстерски начин. Тие не ми можат ништо, но јас им можам. Тоа се сељаци, неписмени. Писмен човек, барем тој што завршил автошкола, има проблем со тоа“, рече тој.
Зоран Милановиќ потоа на насобраните во Вела Лука им ја прочитал одлуката на Уставниот суд.
„Најверојатно хрватскиот го научиле во автомеханичарска работилница. Според овие неписмени гангстери, тоа е забрането, но не е“, рече тој.
„Ова мора да се реши на избори. На крајот ќе бидам премиер, но нема да и кажувам на таа банда како. Ќе бидам кандидат на изборите, како што можев да бидам и на европските избори. Јас нема да си дадам мандат. Што е тука спорот, неписмени гангстери“, праша тој.
Собирот на ХДЗ во Лисински го нарече бал на вампирите. Тој рече дека во првите редови имало двајца ректори на државните универзитети.
„Со гангстерите ќе се справиме по изборите“ рече тој.
Регион
Уставниот суд на Хрватска одлучи, Милановиќ не може да се кандидира за функцијата
Хрватскиот Уставен суд одлучи Зоран Милановиќ дека не може да биде на списокот за парламентарните избори.
Актуелниот претседател не може да биде кандидат за премиер.
Во членот 96 од Уставот е предвидено дека претседателот на Републиката не може да врши други јавни или професионални должности. Претседателот на Републиката е непартиско лице и при вршењето на оваа должност не смее да учествува во политичките активности на ниту една политичка партија, што исклучува секаква можност претседателот на Републиката, во контекст на распишаните парламентарни избори, да биде кандидат на листата за избор на претставници или предложен за кандидат за функцијата претседател на Владата на Република Хрватска и во тоа својство да учествува во политичката изборна кампања.
Регион
Почина композиторoт Тиме Петров од Македонија кој живееше и твореше во Србија
Познатиот композитор, Тиме Петров, почина на 76-годишна возраст по кратко боледување, а само 20 дена по смртта на неговата сопруга.
Инаку, Тиме беше еден од авторите на големите хитови на српската музика. Соработуваше со Маја Маријана, Зорица Брунцлик, Зоран Калезиќ, Лепа Лукиќ и многу други пејачи, а долги години свиреше и со Шабан Шаулиќ, пренесе српскиот веник „Блиц“.
Петров починал во првата половина од месецот, а тажната вест денеска ја пренесоа повеќето српски медиуми.
Петров е роден во Македонија, а живееше и твореше во Белград.
Пејачката Маја Маријана своевремено кажа колкаво влијание имал Тиме Петров на патот на естрадните ѕвезди.
„Две години пеев, една вечер по препорака на пријател дојде да ме слушне познатиот композитор Тиме Петров. Се сеќавам дека пеев некои песни како демо за да им ги понудам на познати пејачи, но тие веднаш не покажаа интерес и сите тие песни ми беа дадени. Им благодарам за тоа. Моето вистинско име е Маријана Радовановиќ и е предолго за паметење, а бидејќи прекарот ми е Маја, композиторот предложи да ги споиме прекарот и вистинско име и така се роди Маја Маријана – пејачката во една прилика раскажа како нејзиниот музички пат го водел Тиме.
Инаку, Тиме Петров е автор на познатиот хит на Маја Маријана „Тој ми беше добар пријател“.