Регион
Вакцината од „Торлак“ чека одобрување од Москва, испораката ќе почне за еден месец
Во следните 10 дена на српскиот Институт за вирусологија, вакцини и серуми „Торлак“ треба да пристигнат резултатите од валидацијата на првата пробна серија од 2.000 шишиња „спутник В“, кои се испратени на проверка во рускиот Институт „Гамалеја“.
Ако одговорот е како што се очекуваше на „Торлак“, од крајот на мај или почетокот на јуни може да почнат редовната испорака на супстанцијата на секои две недели и производството на „спутник В“ во Националниот институт во Кумодраж.
Министерот за иновации и технолошки развој, Ненад Поповиќ, се надева дека резултатите од контролата на пробната серија ќе бидат добри.
„Производството на ‘спутник В’ во Србија би било првенствено наменето за потребите на нашата земја, но исто така мора да им помогнеме на сите во регионот“, вели Поповиќ.
„Во оваа прва фаза на производство супстанциите се добиваат од Русија, а шишињата се полнат и се дистрибуираат од Србија. Во мај, најдоцна на почетокот на јуни, ќе почне изготвувањето физибилити-студија, која ќе биде завршена до крајот на годината, а потоа ќе се знае што е потребно за целосен циклус на производство.
Произвоството на „спутник В“ би била голема шанса за „Торлак“, во кој се надеваат дека целосниот циклус на производство ќе биде можен в година. За тоа ќе биде потребна нова опрема, која, како што веќе најави претседателот Александар Вучиќ, ќе се набави со помош на државата. Проекцијата е дека во опрема, уредување и во инфраструктура ќе бидат инвестирани 38 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Неписмени гангстери: реакција на Милановиќ по одлуката на Уставниот суд
Хрватскиот претседател Зоран Милановиќ денеска ја коментираше одлуката на Уставниот суд за неговата кандидатура.
Медиумите во регионот потсетуваат на одлуката на Уставниот суд во која е заклучокот дека хрватскиот претседател Зоран Милановиќ не може да учествува во политичките активности на ниту една политичка партија додека ја извршува својата функција. Претседателот на Уставниот суд,Мирослав Шепаровиќ му забранил да биде на избирачкиот список и на кој било начин да учествува во изборната кампања додека е претседател.
„Тоа го направија на гангстерски начин. Тие не ми можат ништо, но јас им можам. Тоа се сељаци, неписмени. Писмен човек, барем тој што завршил автошкола, има проблем со тоа“, рече тој.
Зоран Милановиќ потоа на насобраните во Вела Лука им ја прочитал одлуката на Уставниот суд.
„Најверојатно хрватскиот го научиле во автомеханичарска работилница. Според овие неписмени гангстери, тоа е забрането, но не е“, рече тој.
„Ова мора да се реши на избори. На крајот ќе бидам премиер, но нема да и кажувам на таа банда како. Ќе бидам кандидат на изборите, како што можев да бидам и на европските избори. Јас нема да си дадам мандат. Што е тука спорот, неписмени гангстери“, праша тој.
Собирот на ХДЗ во Лисински го нарече бал на вампирите. Тој рече дека во првите редови имало двајца ректори на државните универзитети.
„Со гангстерите ќе се справиме по изборите“ рече тој.
Регион
Уставниот суд на Хрватска одлучи, Милановиќ не може да се кандидира за функцијата
Хрватскиот Уставен суд одлучи Зоран Милановиќ дека не може да биде на списокот за парламентарните избори.
Актуелниот претседател не може да биде кандидат за премиер.
Во членот 96 од Уставот е предвидено дека претседателот на Републиката не може да врши други јавни или професионални должности. Претседателот на Републиката е непартиско лице и при вршењето на оваа должност не смее да учествува во политичките активности на ниту една политичка партија, што исклучува секаква можност претседателот на Републиката, во контекст на распишаните парламентарни избори, да биде кандидат на листата за избор на претставници или предложен за кандидат за функцијата претседател на Владата на Република Хрватска и во тоа својство да учествува во политичката изборна кампања.
Регион
Почина композиторoт Тиме Петров од Македонија кој живееше и твореше во Србија
Познатиот композитор, Тиме Петров, почина на 76-годишна возраст по кратко боледување, а само 20 дена по смртта на неговата сопруга.
Инаку, Тиме беше еден од авторите на големите хитови на српската музика. Соработуваше со Маја Маријана, Зорица Брунцлик, Зоран Калезиќ, Лепа Лукиќ и многу други пејачи, а долги години свиреше и со Шабан Шаулиќ, пренесе српскиот веник „Блиц“.
Петров починал во првата половина од месецот, а тажната вест денеска ја пренесоа повеќето српски медиуми.
Петров е роден во Македонија, а живееше и твореше во Белград.
Пејачката Маја Маријана своевремено кажа колкаво влијание имал Тиме Петров на патот на естрадните ѕвезди.
„Две години пеев, една вечер по препорака на пријател дојде да ме слушне познатиот композитор Тиме Петров. Се сеќавам дека пеев некои песни како демо за да им ги понудам на познати пејачи, но тие веднаш не покажаа интерес и сите тие песни ми беа дадени. Им благодарам за тоа. Моето вистинско име е Маријана Радовановиќ и е предолго за паметење, а бидејќи прекарот ми е Маја, композиторот предложи да ги споиме прекарот и вистинско име и така се роди Маја Маријана – пејачката во една прилика раскажа како нејзиниот музички пат го водел Тиме.
Инаку, Тиме Петров е автор на познатиот хит на Маја Маријана „Тој ми беше добар пријател“.