Регион
(Видео) Во Бугарија и Грција пристигнаа првите вакцини против коронавирус
Бугарија и Грција ги добија првите дози на вакцините против коронавирус, а вакцинирањето ќе почне од утре.
Возилата со по 9.750 дози од вакцината на Фајзер пристигнаа синоќа и утрово во Грција и во Бугарија.
Софија очекува во јануари да пристигнат 62.500 дози, додека Грција, најави во текот на следната седмица пристигнување на уште 83.850 дози од вакцината.
До крајот на јануари во Грција ќе бидат доставени 429.000 дози и 333.450 дози до крајот на февруари, а до крајот од првиот квартал од 2021 година, само од Фајзер/БиоНТек, се очекува земјата да добие 1.265.550 дози.
Вакцините во Грција ќе се чуваат во специјални фрижидери за длабоко замрзнување во пет простори за складирање на тајна локација, а оттаму ќе се пренесуваат во центрите за вакцинација кои се вкупно 1.018 во целата земја.
Вакцините што пристигнаа во Софија, веќе се ставени во замрзнувач, а за помалку од еден час првите вакцини ќе одат во Пловдив и Бургас, најави министерот за здравство Костадин Ангелов.
„Нашата амбиција е да достигнеме 70 проценти од вакцинирани Бугари. Откако ќе ја достигнеме оваа бројка, ќе ги фрлиме маските, ќе почнеме да се гледаме, да ги гледаме своите најблиски, да одиме во театар и кино“, додаде Ангелов.
Бугарскиот министер додаде дека ќе се потпре на медиумите за да ги информираат луѓето и да ја убедат јавноста дека вакцините се безбедни за здравјето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пленковиќ по победата на изборите во Хрватска: Набргу ќе дознаете со кого ќе имаме мнозинство
Актуелниот премиер на Хрватска, Андреј Пленковиќ, чија партија ХДЗ победи на парламентарните избори во Хрватска, објави дека набргу ќе се знае со кого ќе формираат влада.
„Одлично е чувството, трета победа во низа и убедлива, тоа никој не успеа да го направи пред нас. Презадоволни сме, урнат е митот дека високиот одѕив не ѝ одговара на ХДЗ“, изјави Пленковиќ.
„Многу набргу ќе дознаете со кого ќе формираме ново мнозинство во Собранието. Разговаравме со некои наши колеги уште синоќа, а денеска ги продолжуваме разговорите. Сè оди добро, победниците ќе ја водат владата и во третиот мандат“, порача Пленковиќ.
Неофицијалните резултати по обработката на речиси сите избирачки места, според пресметките, покажуваат дека ХДЗ убедливо победува на парламентарните избори и освојува 61 мандат, а Риека правде на СДП добива 42 мандата.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.