Регион
(Видео) Вучиќ испрашуваше новинарка во интервју во живо: Знаете ли каде е Маурициус? Не знаете
Српскиот претседател, Александар Вучиќ, престојува во Обединетите Арапски Емирати, а вчера од таму даде интервју за ТВ Пинк. Со него разговараше новинарката Гордана Узелац.
Таа во еден момент го праша како ги коментира наводите изнесени од потпретседателката на Партијата за слобода и правда (ССП), Мариника Тепиќ, која рече дека опозиционерот Миша Вациќ, бил прислушуван, а Вучиќ и неговиот брат Андреј ги прекршиле мерките за законско прислушкување.
Вучиќ избегна да одговори, но рече дека Драган Ѓилас (поранешен градоначалник на Белград) и Мариника Тепиќ имаат сметки на Маурициус. И тогаш тој започна да ја напаѓа новинарката, пишува Нова.рс.
„Дали вие имате сметка на Маурициус? Дали знаете каде е Маурициус, Гордана?“, запраша Вучиќ.
Hahahahahahahahahahah pic.twitter.com/SDqwubWkcM
— ?Milan_CHE?⚠️? (@MilanCHE111) March 10, 2021
„На кого му го поставувате тоа прашање?“, возврати новинарката.
„Вам ве прашувам, знаете ли каде е Маурициус?“, повтори Вучиќ.
„Па, знам“, одговори новинарката.
„Каде?“, повторно прашање од Вучиќ.
„Зошто е тоа важно?“, праша Узелац.
„Затоа што знам дека не знаете. Не знаете и не е важно, но тие знаат…“, кажа Вучиќ во разговорот.
Видеото брзо се прошири на социјалните мрежи, главно со критики за српскиот претседател, за кого корисниците велат дека целта му била да ја понижи новинарката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.