Регион
(Видео) Монструмот што ја уби и ја јадеше својата мајка плачеше во судница
Сабахудин Велиќ (33) се смета за луд и не е способен да го следи судењето, изјави денеска во судницата на Кантонскиот суд во Бихаќ Јасмин Месиќ, заменик на главниот обвинител на Обвинителството на Унско-санскиот кантон. Велиќ е обвинет дека во септември минатата година во дворот на куќата во населбата Махмиќ Село во Босанска Крупа ја убил со секира, а потоа ја измасакрирал својата мајка, пишува „Дневни аваз“.
Тимот на експерти утврди дека Велиќ, кој е обвинет за убиство, повреда на мирот на покојникот и за мачење и убивање животни страда од ментална болест од психички карактер од шизофрениски спектар со искривена перцепција на реалноста, размислување и разбирање.
TOP TRI VIJESTI DANA Majko, jesi li zadovoljna sa mnom? Pitao je Sabahudin Velić majku Nasihu, a potom ju je raskomadao i pojeo
Gepostet von 24sata am Mittwoch, 26. September 2018
Велиќ, кој во судницата плачеше, тоа утро, според неговото сведочење, ѝ кажал на својата мајка дека мора да принесе жртва, но не и каква и кого мора да убие. Истото утро, мајката му рекла дека е задоволна од него, по што тој ѝ ги бакнал рацете и ѝ рекол дека ја сака.
Кратко потоа, Велиќ ѝ се обратил на мајка си додека цепела дрва да му ја даде секирата, бидејќи тоа била машка работа, што таа го сторила. Потоа, без никаква причина, двапати ја удрил во главата и вратот, по што таа починала.
По убиството, тој отишол да се моли и го преместил телото на друго место и го запалил. Бидејќи телото не изгорело, ја закопал мајката на непозната локација, а потоа ја ископал и ја префрлил во гаражата, каде што ја сечкал со разен алат раздвојувајќи го месото од коските и подоцна го јадел.
Велиќ , исто така, го убил кучето, бидејќи, како што тврдел за време на истрагата, црното куче е шејтан.
Тој сведочеше дека морал да изврши кривично дело бидејќи бил маѓепсан и само ги слушал инструкциите на поголема сила.
„Сабахудин Велиќ страда од шизофренија и е трајно непресметлив, за што е потребно лекување и сместување во соодветна здравствена установа, што е предлог на обвинителството, а одбраната не се противи“, рече адвокатот на обвинетиот Велиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.