Регион
(Видео) Немири на протестите во Љубљана, полицијата употреби водни топови и солзавец
Маскирани лица се судрија со полицијата на вечерашниот протест во Љубљана. Словенечките медиуми пренесуваат дека не се знае кој стои зад протестите, а организаторите на петочните антивладини протести се оградија од денешниот настан.
Маскирана група луѓе се судри со полицијата на плоштадот Република, а целата ситуација се претвори во драма, пишува „Дело“. Полицијата употребила водни топови и солзавец за да ги растера демонстрантите, а на местото на инцидентот пристигнал министерот за внатрешни работи, Алеш Хојс.
Според словенечкиот весник, демонстрантите биле поделени во групи и се судриле со полицијата на неколку локации. Се слушнале неколку експлозии, а еден новинар бил повреден. Сведоци тврдат дека меѓу демонстрантите имало и навивачи на фудбалски екипи, пренесува „Дело“.
Медиумите јавуваат дека демонстрантите фрлале кон полицијата со бетонски плочи.
„Поп ТВ“ јавува дека три лица биле повредени, а две од нив биле пренесени во болница. Не е познато дали некој од полицајците е повреден.
Pirotehnika. pic.twitter.com/AKGAziCv1s
— Luka Svetina (@LukaSvetina) November 5, 2020
„Дело“ пишува дека не е познато кој стои зад протестите овој пат. Повикот бил објавен на социјалните мрежи од групата ‘Анонимна Словенија’, а Движењето на свесни жители исто така повикало на протест пред парламентот. Двете движења се оградија од насилството.
Primitiven napad na policiste na konjih, ki opravljajo svoje delo. Napadeni so bili tudi predstavniki medijev, skupil jo je tudi novinar Vladimir Vodušek. Nebo preletava policijski helikopter, nasilneže so policisti obkolili, da jim ne bi pobegnili. pic.twitter.com/iZiMvb1PAk
— Luka Svetina (@LukaSvetina) November 5, 2020
Се огласија и организаторите на антивладините протести што се одржуваат секој петок. Тие тврдат дека четврток не е петок и дека немаат никаква врска со денешниот протест.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.
Регион
Никола Роквиќ тргна пеш на пат долг 1.150 километри на хумана мисија
Никола Роквиќ пеш тргна кон Грција и треба да помине 1.150 километри, а сето тоа во хуманитарна мисија.
Тој и неговата сопруга Бојана неодамна ја основаа „Фондација за семејство“, а за да им помогне на оние на кои им е потребна помош, реши да направи неверојатен чекор достоен за восхит.
Треба да стигне до Егина, каде што ќе се поклони на Свети Нектариј Егински. Пред заминувањето тој со семејството ја посети црквата Свети Сава каде се помоли.
„По овој пат решив да тргнам од љубов кон луѓето и се надевам дека ќе биде за радост на многумина, се надевам дека ќе биде за радост на многумина, се надевам дека ќе биде за помош на многумина. Првенствено да помогнам на многу семејства, на многу деца, но најважно да им помогнам на болните деца, поради што во голема мера го започнав ова патување. Започнавме фондација која ќе му помага на семејството, која ќе помага на талентирани деца, на многудетно семејство, но и на болни деца“, изјави Никола во храмот Свети Сава за „Телеграф“.
Никола последниве месеци се подготвуваше за овој потфат со големи планинарски тури.
Регион
Европскиот парламент одобри визна либерализација за Србите од Косово
Европскиот парламент денеска одобри визна либерализација за имателите на српски пасоши од Косово, кои ги издава Координативната управа на Србија на предлог на европратеникот и известувач за укинување на тие визи, Матјаж Немец.
За извештајот на Немец гласале 406 од 597 европратеници, 97 биле против, а 94 биле воздржани.
По гласањето во ЕП, последниот збор за овој предлог треба да го дадат министрите на Советот на ЕУ.
Претходно овој месец, амбасадорите на земјите членки на ЕУ се согласија со предлогот на ЕП и Советот на ЕУ за измена на регулативата за иматели на српски пасоши издадена од Координативната управа на Србија, со која се доделува визна либерализација на носителите на овие пасоши, пишува српската новинска агенција „Танјуг“.
Претходно, Комитетот за граѓански слободи, правда и внатрешни работи на ЕП на 9 април го усвои нацрт-извештајот за визна либерализација.
Целиот Западен Балкан ќе има ист визен режим за патување во ЕУ
Оваа одлука гарантира целиот регион на Западен Балкан да има ист визен режим за патување во ЕУ, објави тогаш ЕП.
Постои можност одлуката за визна либерализација за имателите на српски пасоши во Косово да почне да се применува до почетокот на летото.
Србите од Косово се единствените од Балканот на кои им е потребна виза за ЕУ
Србите од Косово и Метохија, кои поседуваат пасоши издадени од Координативната управа, која функционира во рамките на Министерството за внатрешни работи на Србија, се единствените на кои им е потребна виза за влез во земјите на ЕУ откога од 1 јануари годинава беа укинати визите за граѓаните на Косово.
Во ноември 2023 година Европската комисија предложи да почне постапка за вклучување на граѓаните на Косово, кои имаат пасоши издадени од Координативната управа на Србија, преку визна либерализација.