Регион
(Видео) Расплакани спасители: „Слушајте ги, живи се, нѐ викаат, децата се исто така долу но не можеме да ги извадиме“
„Ројтерс“ објави видео од маж кој стои пред урнатините и слуша затрупана жена која го моли да и помогне. Удира во нешто метално. Тој е очаен бидејќи не може да и помогне. Кажува и дека децата се долу. Ова е една од најшокантните снимки по двата разорни земјотреси во Турција.
„ Слушајте го ова, нѐ викаат, затрупани се, нѐ викаат, но никој не доаѓа до нив. Тие се живи, но не можеме да ги извадиме. Гледаш, мајка ми и татко ми се во оваа руинирана зграда. Не можам да дојдам до нив. Како можеме да ги спасиме? Никој не дојде од сабајле. Ни викаат, слушајте ги – вели Дениз, кој плаче бидејќи не може да стигне до преживеаните.
Само во Хатај се уништени повеќе од 1.000 згради. Еден волонтер дојде да помогне од Анкара.
"There is a family I know under the rubble. Until 11:00 am or noon, my friend was still answering the phone. But she no longer answers. She is down there. I think her battery ran out"
Freezing rain, silent phones and anguish in Turkey quakehttps://t.co/sB9q91x8wJ pic.twitter.com/m34vkGJ7x2
— AFP News Agency (@AFP) February 7, 2023
„ Спасив жена, тоа е човечки живот. Овде нема безбедносна служба, нема војска, нема никој. Тие беа оставени – рече волонтерката.
Во текот на ноќта од урнатините е извлечено мало девојче во правливи пижами. Нејзините први зборови беа: Каде е мајка ми?
Спасувачите и волонтерите ги ризикуваат своите животи за да ги извлечат луѓето заглавени под урнатините.
Температурите паѓаат. Ризикот од хипотермија опасно се зголемува.
„ Нашите деца се тука, што да правиме? Погледнете ја оваа зграда, пола е урната, ризикуваме сето тоа да се урне врз нас. Но, што треба да правиме? Па тие нѐ викаат, тоа се луѓе“.
„ Роднините ми се мртви, внука ми почина, имаше 17 години. Мојата снаа и нејзините три деца се под урнатините. Молете се за нас, молете се за нас. Немаме никого, погледнете наоколу, нема никој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.