Регион
(Видео) Силно невреме со грмотевици го зафати Хвар – поплавени улици и плоштади
Хвар денеска го зафати невреме. Силен дожд за кратко време ги поплави улиците и плоштадите на Хвар, предизвика одрони и поплави некои згради.
За само еден час во градот Хвар наврнале 90 литри дожд на метар квадратен, а во последните 24 часа над 120 литри, што е повеќе од просечната количина на врнежи што паѓа во ноември, објави порталот Индекс.
Hvar sada pic.twitter.com/Aj4ufmt2q0
— Adriana ? (@AdrianaJurisic) November 14, 2021
„ Имаме многу проблеми со дождовницата. Гаражите ни пловат, се е полно со вода“, изјави за „Далмација Данас“ командантот на доброволната противпожарна бригада Хвар, Никола Шкаре.
„ Ние непрекинато пумпаме, а дождот не престанува. Проблемот е што телефоните се расипани, за тоа ја известивме и полицијата“, додаде тој.
Sunčani Hvar…. pic.twitter.com/DVi2o6zJEl
— gentleman jack (@pdujam) November 14, 2021
Во Хвар проблем се и силните громови кои предизвикаа голема штета на електрониката, изгореа бројни електрични уреди, а дел од просторот остана без телефонска линија.
Околу 14.15 часот пожарникарите добиле дојава дека удар на гром предизвикал пожар на покрив од семејна куќа.
Како што изјави за „Далмација денес“ командантот на пожарникарите на Хвар, интервенцијата е во тек, а според првите информации нема повредени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Регион
Еден од убијците на Данка бара нов адвокат
Второосомничениот Срѓан Јанковиќ кој цело време се бранеше со молчење во Обвинителството му го откажал полномошното на својот адвокат бидејќи не сака повеќе да го брани.
Јанковиќ побарал да му биде доделен адвокат по службена должност, пренесуваат српските медиуми.
Ова не изненади бидејќи ретко се случува на сред рочиште осомничениот да побара смена на адвокат – велат од обвинителството.
– Понатамошната постапка е таква што следува разговор на новиот адвокат со осомничениот Јанковиќ. Со оглед на текот на рочиштето, апсолутно секој адвокат ќе го советува да престане да се брани со молчење бидејќи подобро е самиот Јанковиќ да каже се што знае. Убедени сме дека е прашање кога Јанковиќ доброволно ќе ја изнесе својата одбрана во обвинителството. Се надеваме дека постои можност да се дознае каде е телото на малата Данка – неофицијално се дознава од надлежните.
Доколку се оствари предвидувањето на обвинителството, се очекуваат нови моменти во истрагата откако Јанковиќ ќе ја каже својата верзија за настаните.