Регион
(Видео) Три женски тела пронајдени закопани во двор од куќа во Истанбул
Турската полиција пронајде тела на три жени во куќа, каде работеле како дилери на дрога, пишуваат турските медиуми.
Според информациите, во местото Сариер во Истанбул, во градината на куќата која припадниците на турската полиција наводно ја ископувале три дена во потрага по телото на Р.М, полицијата пронашла тела на три жени осомничени за продажба на дрога.
На социјалните мрежи се појави и видео на кое се гледа како полицијата копа во дворот.
Засега не е познат идентитетот на жените, а Ж. Б. е приведен во Истанбул под сомнение дека го убил Р.М.(33) и го закопал во дворот од неговата вила во турскиот град.
Полицијата тогаш објасни дека е утврдено дека Ж. Б, за кој велат дека е член на организирана криминална организација, дошол во Турција со лажен македонски пасош издаден на име Јордан Анделев Белчев и дека престојувал во нивната провинција.
Yer İstanbul’da Sarıyer deki Ormanada sitesi. Bir evin bahçesi 3 gündür emniyet güçleri tarafından kazılıyor. 2014’ten beri burada mukim bir Sırp mafya liderinin bahçesi. İddiaya göre mafya lideri gözaltında. Kazıda üç kadın cesedi bulunmuş. Uyuştucu kuryesi oldukları iddiası var pic.twitter.com/oHISsL4FTk
— Fatih Altayli 🔴🇹🇷 (@fatihaltayli) November 6, 2022
„Како резултат на истрагата, споменатото лице е уапсено во акција спроведена во областа Саријер на 04.11.2022 година. При претресот на куќата во која престојувал биле пронајдени и запленети лажна лична карта, пасош и дигитален материјал. За време ископувањето во дворот, по дојава дека телото на едно лице е закопано во градината на куќата, не се пронајдени траги. Против оние кои ја доведуваат јавноста во заблуда по ова прашање ќе бидат преземени неопходни правни дејствија. Полициската управа во Истанбул решително ќе ја продолжи борбата против сите кривични дела и криминалци со цел да го заштитиме мирот и благосостојбата на нашиот град, како што тоа го правеше досега“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.