Регион
(Видео) Во туристичкиот слоган на Албанија вметната референца од филмот „96 часа“
Во слоганот на албанската туристичка агенција Be taken by Albania многумина ја препознаа референцата од филмот „96 часа“ (Taken), во кој Лијам Нисон го толкува поранешниот агент на ЦИА, чија ќерка е киднапирана од албанските трговци на луѓе.
Албанците не само што упатуваат на филмот намерно, туку преку видео му се обратија директно на Нисон, кој беше поканет да ја посети нивната земја. На снимката му објаснуваат на Нисон што сè ќе го маѓепса (игра на зборови – taken by Albania) во Албанија, а меѓу другите, му се обрати и министерот за туризам.
In possibly the best state-sponsored troll of the decade, Albania has unveiled a new tourism slogan: "Get TAKEN By Albania."
Reminder: The TAKEN movie franchise starring Liam Neeson features Albanian gangsters as the villains. The tourism website even addresses Neeson directly. pic.twitter.com/d1lVlfvm6T
— AnimeUproar (@AnimeUproar) March 16, 2019
Во кампањата признаа дека се свесни оти Албанија во популарната култура е прикажана како рај за бандити, криминалци и мафијаши, но наведуваат дека тоа е сосема неточно.
Albania thought is was funny to promote itself with the movie Taken (in which women get sex trafficed by Albanians & where Albania is shown as a mafia safehold). It backfired in a spectacular way & put the focus back on AL struggle to fight organized crime https://t.co/yL8ifeUIeu
— Vincent Triest (@VincentTriest) March 16, 2019
Албанија е опишана како прекрасно и неверојатно безбедно место за посета и живеење. „Затоа и ја почнавме оваа кампања со цел лично да го поканиме познатиот актер од филмот, г. Лијам Нисон“, објаснија тие.
I appreciate that they have a sense of humour about this #takenbyalbania https://t.co/TIgP3Euhqw
— Kaltrina (@Bylykbashi) March 16, 2019
На социјалните мрежи реакциите беа поделени. И додека некои забележаа дека го ценат нивното чувство за хумор, други не можеа да поверуваат дека ова е навистина официјално туристичко рекламирање на земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Државниот хрватски инспекторат повлече KitKat чоколада од продажба
Државниот хрватски инспекторат го повлече од пазарот производот Nestle KIT KAT Mini Waffle поради присуство на минерални масла, извести Хрватската агенција за земјоделство и храна, пренесе Индекс.хр.
Како што објаснуваат во соопштението, станува збор само за Nestle KIT KAT Mini 200 грама во кесичка (производ од вафли прелиен со млечно чоколадо), серија 40580734, со рок на употреба 01.2025 година.
Производител е Nestle Deutschland AG, Франкфурт, Германија, а производот е пласиран на пазарот од Nestle Adriatic d.o.o., Загреб, Хрватска.
Регион
Потрагата по Данка Илиќ продолжува трет ден, се проверуваат телефоните на родителите
И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување сите факти и околности поврзани со исчезнувањето на детето.
Потрагата по исчезнатото двегодишно девојче Данка Илиќ од Бањско Поље кај Бор продолжува трет ден, а полицијата ќе ги проверува базните станици и ќе ги прегледа мобилните телефони на родителите за да потврди со кого биле во контакт во периодот кога девојчето исчезнало.
Продолжувањето на потрагата ќе се изврши оперативно откога е утврдено дека девојчето не е на 10 квадратни километри од местото на исчезнувањето.
Полицијата ќе ги испрашува и луѓето што биле во близина непосредно пред или по исчезнувањето на девојчето со цел да се утврдат детали, кои можеби биле пропуштени во текот на истрагата, која е во тек.
Исчезнувањето на двегодишното девојче првпат го активира системот „Најди ме“ во Србија, кој е наменет за итно известување на јавноста во случај на исчезнување малолетно лице.
Данка Илиќ (2) има кафеава коса, кафеави очи и е висока околу 85 сантиметри. На денот на исчезнувањето носела виолетови панталони и јакна во маслинесто-зелена боја.
Регион
„Се плашам дека е киднапирана“, рече дедото на исчезнатото девојче Данка
Дедото на исчезнатото девојче Данка Илиќ (2), кое пред повеќе од 27 часа беше изгубено во приградската населба Бањско поле во околината на Бор, за телевизија Блиц изјави дека „низ главата му поминува можноста детето да е киднапирано“.
„Се уште се надевам дека е жива, но неверојатно е никој да не може да ја најде меѓу толку луѓе. Само една опција ми паѓа на ум, дека е киднапирана. Но, не можам да тврдам. Жандармерија, дронови, хеликоптери, цела Србија беше тука и сите ја бараа. Луѓето беа на еден метар еден од друг и никој не може да ја најде“, изјави Милан Илиќ.
Тој рече и дека го плаши фактот што бугарската граница е блиску.
„До бугарската граница преку новиот пат се стигнува за 45 минути, најмногу еден час. Не е точно дека се потребни пет часа, како што кажа некој утринава на телевизија. Кладово е веќе многу подалеку, оддалечено е 150 километри, но Бугарија е многу блиску“, рече тој.