Регион
Волонтер од Србија загина борејќи се на руска страна во Украина
Српскиот државјанин Стефан Димитриевиќ загинал на фронтот во Украина, а тој не е единствениот од Србија што е на боиштето во таа земја.
Информацијата на 7 април ја потврди брат му на социјалните мрежи, кој се поздрави и се прости од него.
„Се надевам дека ќе му посакам добредојде на неговиот ковчег и ќе го погребам на руските гробишта во Белград бидејќи мислам дека би сакал да биде блиску до дома и на гробиштата на земјата за која го даде животот“, пишува во соопштението.
Според каналите на „Телеграм“, каде што првпат се прошири веста, Димитриевиќ бил убиен на фронтот кај Луганск во источна Украина на почетокот на април.
Од МНР велат дека немаат никакви информации за Димитриевиќ – ниту дека заминал во Украина ниту дека починал.
Стефан Димитриевиќ, попознат како Стефан Балд, беше на фронтот во Донбас во 2014 година кога учествуваше во конфликтите во Украина како борец на проруската страна како дел од екстремно десничарско движење наречено „Меѓународна бригада“.
Иако е познато дека Димитриевиќ бил под истрага на Генералното обвинителство во Украина, исходот не е познат.
Инаку, случајот со Стефан Димитриевиќ не е прва вест за смртта на српски војник. Неколку дена претходно, на 30 март, во групите на „Телеграм“ беа објавени и информации за смртта на Александар Бјелиќ, наводен поручник во руската армија.
Како што се наведува, татко му бил Србин, а мајка му Русинка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.
Регион
Никола Роквиќ тргна пеш на пат долг 1.150 километри на хумана мисија
Никола Роквиќ пеш тргна кон Грција и треба да помине 1.150 километри, а сето тоа во хуманитарна мисија.
Тој и неговата сопруга Бојана неодамна ја основаа „Фондација за семејство“, а за да им помогне на оние на кои им е потребна помош, реши да направи неверојатен чекор достоен за восхит.
Треба да стигне до Егина, каде што ќе се поклони на Свети Нектариј Егински. Пред заминувањето тој со семејството ја посети црквата Свети Сава каде се помоли.
„По овој пат решив да тргнам од љубов кон луѓето и се надевам дека ќе биде за радост на многумина, се надевам дека ќе биде за радост на многумина, се надевам дека ќе биде за помош на многумина. Првенствено да помогнам на многу семејства, на многу деца, но најважно да им помогнам на болните деца, поради што во голема мера го започнав ова патување. Започнавме фондација која ќе му помага на семејството, која ќе помага на талентирани деца, на многудетно семејство, но и на болни деца“, изјави Никола во храмот Свети Сава за „Телеграф“.
Никола последниве месеци се подготвуваше за овој потфат со големи планинарски тури.