Регион
Во БИХ од денеска на сила нови мерки
Во Федерацијата на Босна и Херцеговина од денеска на сила е задолжително носење на заштитни маски во затворени простории, како и на отворено ако не е можно да држат физичка дистанца.
Пропишана е дистанца од два метри.
Наредбата ја донесе кризниот штаб на Министерството за здравство со цел спречување на ширењето на коронавирусот.
Работата на угостителските објекти е ограничена до полноќ, а на кризните штабови во кантоните и општините им е овозможено да забранат одржување собири кои би можеле да овозможат ширење на вирусот и да го загрозат здравјето на луѓето.
Наложен е и засилен инспекциски надѕор на спроведувањето на мерките донесени за спречување на ширењето на вирусот.
На кантоналните штабови им е дадена можност да воведат и рестриктивни мерки во согласност со проценката на епидемиолошката ситуација во кантонот, односно општината, со редовно известување на кризниот штаб на федералното министерство.
Инфекција со коронавирус вчера беше потврдена кај 140 нови лица во Босна и Херцеговина. Досега во БиХ направени се 51.668 тестирања, а коронавирусот е потврден кај 1.819 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Регион
Еден од убијците на Данка бара нов адвокат
Второосомничениот Срѓан Јанковиќ кој цело време се бранеше со молчење во Обвинителството му го откажал полномошното на својот адвокат бидејќи не сака повеќе да го брани.
Јанковиќ побарал да му биде доделен адвокат по службена должност, пренесуваат српските медиуми.
Ова не изненади бидејќи ретко се случува на сред рочиште осомничениот да побара смена на адвокат – велат од обвинителството.
– Понатамошната постапка е таква што следува разговор на новиот адвокат со осомничениот Јанковиќ. Со оглед на текот на рочиштето, апсолутно секој адвокат ќе го советува да престане да се брани со молчење бидејќи подобро е самиот Јанковиќ да каже се што знае. Убедени сме дека е прашање кога Јанковиќ доброволно ќе ја изнесе својата одбрана во обвинителството. Се надеваме дека постои можност да се дознае каде е телото на малата Данка – неофицијално се дознава од надлежните.
Доколку се оствари предвидувањето на обвинителството, се очекуваат нови моменти во истрагата откако Јанковиќ ќе ја каже својата верзија за настаните.