Регион
Во Словенија 11 нови случаи, задолжително носење маска во затворен простор
Во последните 24 часа, 843 лица биле тестирани за коронавирус во Словенија, а вирусот е потврден кај 11 од нив, објави словенечката влада.
Бројот на активни случаи се зголеми на 68, а бројот на потврдени случаи од почетокот на епидемијата е 1.558, по извршени вкупно 98.810 тестови.
Најголем број на нови случаи оваа недела се потврдени во понеделникот, кога имало 13.
Најголем број на нови случаи во еден ден во Словенија имало на 26 април, кога биле потврдени 61 случај.
Поради зголемувањето на бројот на нови случаи во Словенија и околните земји, словенечката влада воведе нова обврска за задолжително носење маски во затворен простор и во јавниот превоз.
Покрај увезените случаи од странство во Словенија, во последните денови се откриени неколку случаи на пренесување на вирусот во затворени простории во ноќни клубови и за време на социјални собири и забави, особено помеѓу млади луѓе.
Затоа, епидемиолозите предупредуваат повторно за потребата од ограничување на бројот на лица во затворен простор, одговорно однесување на сите и придржување кон основните мерки за самозаштита.
За да ги обесхрабри граѓаните да одат во држави со зголемен ризик, Владата донесе и указ според кој на оние кои се ставени во домашен карантин при пристигнување од земји со висок ризик имаат право на боледување со исплата на половина плата, што е значително помалку од оние што се заразуваат во Словенија и на кои им се исплаќаат 80 проценти од платата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Девојка која исчезна во март во Србија е пронајдена
Тијана Симиќ, која била пријавена за исчезната на 13 март оваа година, и последен пат била видена на Карабурма во Белград, е пронајдена повеќе од еден месец од нејзиното исчезнување.
Засега не се познати детали, а среќните вести ги објави нејзината сестра на „Твитер“.
„Тијана ја пронајдовме, ви благодарам на сите за помошта“, напиша таа.
Tijanu smo pronašli, hvala puno svima na pomoći ♥️
— fifo (@sofoklee) April 24, 2024
Семејството на Тијана молеше за помош или било каква информација за неа, и после повеќе од еден месец е пронајдена.
Регион
Во БиХ уапсени 14 криумчари, превезувале мигранти во Хрватска, заработиле 3 милиони евра
Припадниците на Граничната полиција на Босна и Херцеговина уапсија 14 лица под сомнение дека организирале мрежа на криумчари на илегални мигранти преку границата со Хрватска. Акцијата под кодното име „Пирамида“ координирана од Обвинителството на БиХ беше спроведена на 16 различни локации низ земјата.
Како што беше утврдено во досегашната истрага, уапсените организирале илегално преминување на границата на најмалку 600 лица, од кои стотина се деца.
„Според прелиминарните податоци, оваа меѓународна организирана криминална група во изминатите шест месеци остварила финансиска корист од повеќе од шест милиони конвертибилни марки (три милиони евра)“, се вели во полициското соопштение.
Разбивањето на оваа мрежа на трговци со луѓе беше спроведено заедно со Управата за криминалистичка полиција на МВР на Република Хрватска и Европол и со учество на припадници на Агенцијата за разузнавање и безбедност на Босна и Херцеговина (ОСА).
Граничната полиција на БиХ наведува дека продолжува да презема мерки за спречување на шверцот на луѓе, особено против организираните криминални групи. Потсетуваат дека во првите три месеци од годинава полициски службеници и граничари до обвинителството поднеле 83 пријави против 177 лица поради постоење основи на сомнение дека сториле 110 кривични дела криумчарење луѓе.
Регион
За европските избори во Хрватска беа пријавени 25 листи, осум помалку од 2019 година
Државната изборна комисија (ДИК) до крајниот рок доби 25 кандидатски листи за европските избори во Хрватска, што е за осум помалку од 2019 година.
Во недела на 9 јуни ќе се одржат избори за Европскиот парламент во Хрватска, а ќе се изберат 12 европратеници со мандат од пет години.
Со поднесување на списокот и официјално започнува изборната кампања која ќе трае до 7 јуни кога ќе започне изборниот молк.
Европските избори во Хрватска се втор изборен циклус годинава, по парламентарните избори одржани на 17 април, а на крајот на годината ќе се одржат и претседателските избори.