Регион
Во Советот за безбедност на ОН почна седницата за Косово
Во седиштето на ОН во Њујорк почна седницата на Советот за безбедност во врска со Косово, на која ставовите на Србија ги претставува министерот за надворешни работи, Ивица Дачиќ, пренесе агенцијата „Танјуг“.
На седницата се разгледува извештајот на генералниот секретар на ОН за работата на УНМИК за периодот од 16 мај до 15 септември годинава.
Дачиќ во своето излагање ќе даде преглед на извештајот на генералниот секретар на ОН за работата на УНМИК во овој период, односно ќе ја изнесе оценката на Белград за моменталната состојба во Косово и Метохија и за работата на УНМИК.
Инаку, шефот на ОН, Антонио Гутереш, во неодамнешниот извештај за ситуацијата во Косово оцени дека долгата пауза во официјалните разговори меѓу Белград и Приштина, под покровителство на ЕУ, го стопирала напредокот кон нормализација на односите и претставува ризик за стабилноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Регион
Еден од убијците на Данка бара нов адвокат
Второосомничениот Срѓан Јанковиќ кој цело време се бранеше со молчење во Обвинителството му го откажал полномошното на својот адвокат бидејќи не сака повеќе да го брани.
Јанковиќ побарал да му биде доделен адвокат по службена должност, пренесуваат српските медиуми.
Ова не изненади бидејќи ретко се случува на сред рочиште осомничениот да побара смена на адвокат – велат од обвинителството.
– Понатамошната постапка е таква што следува разговор на новиот адвокат со осомничениот Јанковиќ. Со оглед на текот на рочиштето, апсолутно секој адвокат ќе го советува да престане да се брани со молчење бидејќи подобро е самиот Јанковиќ да каже се што знае. Убедени сме дека е прашање кога Јанковиќ доброволно ќе ја изнесе својата одбрана во обвинителството. Се надеваме дека постои можност да се дознае каде е телото на малата Данка – неофицијално се дознава од надлежните.
Доколку се оствари предвидувањето на обвинителството, се очекуваат нови моменти во истрагата откако Јанковиќ ќе ја каже својата верзија за настаните.