Регион
Во тешка сообраќајна незгода во Словенија загинале татко и неговите две деца
Татко и неговите две деца на возраст од 6 и 9 години загинале вчера во фронтален судир во малото место Стична во Словенија. Загинала и 56-годишната возачка на автомобилот „шкода“, кој се забил во нивниот, кој по судирот се запалил и целосно изгорел.
Мајката на починатиот 38-годишен Матеј Микулан за словенечките медиуми изјавила дека тие тргнале на пат кон неа.
V ponedeljkovi tiskani izdaji med drugim preberite:Mia in Nik zgorela z očkomLepa Anamaria ima dvojnicoNajhujše…
Posted by Slovenske Novice on Недела, 23 август 2020
„Матеј ми рече дека ќе застане во аптека пред да дојдат кај мене. Ми испрати и слика со децата. Ја поставив масата, но тие доцнеа иако рече дека ќе биде тука за 20 минути. Беше чудно, но јас не сакав да го барам за да не го вознемирувам додека вози. Штом полицијата се паркира пред куќата, знаев дека се случило нешто лошо“, изјавила бабата Јадранка Бранковиќ.
»Nekaj po četrti so se pripeljali policisti. Takoj so me obšle zle slutnje,« nam je v solzah povedala mama pokojnega Mateja.
Posted by Slovenske Novice on Недела, 23 август 2020
Момчето Ник оваа есен требало да тргне на училиште.
„Тој имаше сè подготвено и беше многу возбуден“, рекла баба Јадранка додавајќи дека за новата учебна година била возбудена и 9-годишната Миа, која требало да почне четврто одделение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.