Регион
Вучиќ за упадот во РТС: Нема да дозволиме насилство, наидоа на тврд орев
Српскиот претседател, Александар Вучиќ, денеска напладне се обрати пред српската јавност во однос на вчерашните случувања, кога дел од демонстрантите од протестот „1 од 5 милиони“ упаднаа во зградата на Радио-телевизја Србија (РТС) во Белград. Меѓу оние кои упаднаа беше и Драган Ѓилас, лидерот на опозициската коалиција „Сојуз за Србија“ (СЗС), официјално формирана на 2 септември 2018 година.
Вучиќ истакна дека на вчерашниот протест имало околу 1.500 луѓе, а дека денеска се уште помалку, мислејќи на толпата демонстранти собрана пред зградата на претседателството. Тој во обраќањето се насочи кон организаторите на протестите.
„Наидоа на тврд орев, на некој кој не се плаши, кој не се плаши да им каже дека не вредат. Немам страв, можам само да го изгубам животот. Немам 500 милиони евра и немам што да изгубам“, рече Вучиќ.
Како што кажа српскиот претседател, главна вест во Приштина била дека е Џилас е претепан, а всушност никој не го допрел. „Само тој тапаше луѓе“, нагласи Вучиќ.
„Мислам дека никој никогаш не одржал конференција во вакви услови, но страв не смее да посоти. Она што ми е мене важно е да ги замолам нормалните, пристојни луѓе да не учествуваат во насилството“, рече српскиот претседател и посочи дека сите насилници ќе одговараат пред законот, бидејќи пред законот се сите исти.
„Никој веќе не смее да упадне во РТС, а Србија ќе ги победи хулиганите и фашистите“, рече Вучиќ во обраќањето.
Тој додаде дека нема да разговара ниту со лидерот на крајно десничарското движење „Двери“, Бошко Обрадовиќ, кого го нарече фашист. Инаку, „Двери“ е дел од коалицијата СЗС.
„Ниту сега кога животот ми е во опасност, воопшто не се плашам“, повтори претседатлот на Србија и додаде дека поддршка очекува само од својот народ и дека не го интересираат реакциите на западните амбасади.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.