Регион
Вучиќ и Вулин: Хрватска намерно крие дека Србија се развива трипати побргу
Хрватска стана предмет на кампањата за парламентарните избори на 21 јуни во Србија кога претседателот Вучиќ во неколку наврати посочува дека одличниот српски раст се премолчува во Загреб, пренесува „Индекс.хр“.
Како што пренесува хрватскиот портал, на тоа се надоврзал и министерот за одбрана, Вулин, оценувјќи дека хрватската политика кон Србија е мешавина од омраза и комплекси.
„Србија има трипати поголема стапка на раст од Хрватска“, истакнал Вучиќ како гостин на ТВ „Пинк“, каде што додал дека медиумите во Хрватска постојано објавуваат нешто против него, но не и податоци на „Евростат“ според кои Србија е прва во регионот по однос на стапката на раст на БДП.
„Проблемот е како да се објасни дека во таквата ‘тажна Србија’ на Вучиќ, стапката на раст е трипати поголема од нивната“, истакнал српскиот претседател и лидер на СНС.
„Во Хрватска има координирана негативна кампања против мене и мора секој ден да се појави некој текст за мене, но тоа не ме мачи, ме прави среќен, затоа што суштината е да се види дали може да се случи нешто лошо во Србија за тие да може да бидат лидер во регионот, што не им оди веќе три години по ред“, рекол Вучиќ.
Додека Вучиќ гостувал на ТВ-програмата на „Пинк“, Министерството за одбрана издало соопштение со пишана изјава на министерот Александар Вулин, во која тој оценува дека хрватската политика кон Србија е мешавина од омраза и комплекси.
„Хрватска внимателно ги следи нашите избори, а ние за нивните не се интересираме. Во Хрватска го знаат името и биографијата на секој министер во нашата влада, а ние речиси и да не знаеме дека нивната постои“, посочил Вулин.
Изборите во Србија беа закажани за 26 април, но беа одложени за 21 јуни по наметнувањето вонредна состојба.
Фаворити се прогресивците (СНС) на актуелниот претседател на земјата, Александар Вучиќ, и нивните водечки коалициски партнери, социјалистите (СПС) на шефот на дипломатијата, Ивица Дачиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Регион
Еден од убијците на Данка бара нов адвокат
Второосомничениот Срѓан Јанковиќ кој цело време се бранеше со молчење во Обвинителството му го откажал полномошното на својот адвокат бидејќи не сака повеќе да го брани.
Јанковиќ побарал да му биде доделен адвокат по службена должност, пренесуваат српските медиуми.
Ова не изненади бидејќи ретко се случува на сред рочиште осомничениот да побара смена на адвокат – велат од обвинителството.
– Понатамошната постапка е таква што следува разговор на новиот адвокат со осомничениот Јанковиќ. Со оглед на текот на рочиштето, апсолутно секој адвокат ќе го советува да престане да се брани со молчење бидејќи подобро е самиот Јанковиќ да каже се што знае. Убедени сме дека е прашање кога Јанковиќ доброволно ќе ја изнесе својата одбрана во обвинителството. Се надеваме дека постои можност да се дознае каде е телото на малата Данка – неофицијално се дознава од надлежните.
Доколку се оствари предвидувањето на обвинителството, се очекуваат нови моменти во истрагата откако Јанковиќ ќе ја каже својата верзија за настаните.