Регион
Вучиќ: Косовската криза не може да се реши без САД и Русија
Косовската криза не може да се реши без напорите што ги преземаат САД, Русија и другите меѓународни сили, изјави српскиот претседател Александар Вучиќ за РТС.
„Ќе ми биде драго ако воспоставиме траен мир со Албанците, тоа ќе биде важно за иднината на Србија и за нашите граѓани. Без Американците, Русите и другите светски сили, многу е тешко да се најде решение за косовското прашање“, рече Вучиќ.
Во меѓувреме, Вучиќ истакна дека разговорите не можат да донесат плод ако некоја страна во дијалогот бара безусловно признавање на неговата независност во рамките на сегашните граници.
„Ова Косово е важен дел во кој живее нашиот народ и ние треба да се грижиме за нив, за нивната безбедност, за нивната иднина и за борба за нивниот опстанок”, рече српскиот претседател, одговарајќи на прашањето што значи Косово за него лично.
Српската автономна територија Косово и Метохија еднострано прогласи независност во февруари 2008 година. Меѓународниот суд на ОН призна неговата независност во 2010 година. Во моментов, Република Косово, според Србија, е признаено од 99 земји. Приштина тврди дека има 117 такви земји. Повеќе од 60 земји, меѓу кои и Русија, Грција, Израел, Индија, Шпанија и Кина, се против признавањето на Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.