Регион
Вучиќ му се заблагодари на Ердоган за вработувањето жени над 50 години
Српскиот претседател, Александар Вучиќ, рече дека се направени многу напори за да се оствари турската инвестиција во Кралево.
Вучиќ, кој ги посети работите за изградба на текстилната фабрика „Еуротај“, очекува дека турскиот претседател, Реџеп Таип Ердоган, ќе пристигне на отворањето на фабриката напролет или на почетокот од летото в година.
Во обраќањето пред присутните претседателот на Србија истакна дека тоа е голема инвестиција од 35 милиони евра.
Тој рече дека се гордее што видел 100 дами, прекрасни и вредни српски жени, кои се борат за подобра иднина со тешка и напорна работа.
„Јас сум особено среќен што не работат само девојчиња од 25 години. Ти благодарам, брате Турчину, што прими и жени над 50 години. Тоа се вредни и способни жени што ќе покажат лојалност“, рече Вучиќ.
Текстилната фабрика „Еуротај“, која се гради во Адрани кај Кралево, ќе вработи 2.500 лица. Како што е најавено, треба да се отвори во април 2019 година и веќе се обучуваат 115 работници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.