Регион
Вучиќ: Нема смисла ние да имаме пченица, а луѓето во Скопје и Црна Гора да немаат
Српскиот претседател Александар Вучиќ изјави дека денеска Владата донела одлука за извоз на земјоделски производи откако во понеделникот се соочиле со досега најголема побарувачка на пченица од 200.000 тони. Тој нагласи дека во регионот има голема потреба за житарици и дека цените отишле до небо.
„Сите сакаат да обезбедат храна за населението. Затоа донесовме мерка за забрана на извозот, а Владата може да дозволи извоз ако процениме дека сме безбедни“, рече тој и посочи дека Србија ќе има доволно жито за земјите од регионот.
„Ние да имаме а луѓето во Скопје или Подгорица да немаат, тоа нема смисла“, рече Вучиќ.
Тој додаде дека за три дена извозот на маслото за јадење скокнал за 109 отсто.
Тој рече дека во моментов имаат 800.000 тони пченица и еден милион тони пченка во резерви. Тој потсети дека годишните потреби се 1,2 милиони тони пченица, а жетвата допрва доаѓа во август.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Откриено кој го возел „пунтото“ каде што исчезна девојчето Данка
Кој го управувал автомобилот „пунто“ е откриено од видеото во случајот со исчезнувањето на девојчето Данка.
Преземено е видео од надзорната камера лоцирана во дворот на куќата на сосетката Јасмин Стојадиновиќ од Бањско поле, која била прегледана од полицијата во текот на истрагата за исчезнувањето на Данка Илиќ (2) од Бор.
На видеото се гледа зелен автомобил „пунто“ кој во моментот на исчезнувањето на девојчето се движел по улицата со голема брзина. Возилото наводно било управувано од маж. Сепак, оваа информација не го олесни пребарувањето многу. Познато е дека бил сослушан во полиција.
Утврдено е дека се работи за сосед кој живее недалеку од местото каде исчезна Данка Илиќ. Според информациите, мажот бил во алкохолизирана состојба и возел со голема брзина.
Девојчето исчезна на 26 март во 13 часот и 45 минути.
Регион
Багер пристигна пред куќата на исчезнатата Данка: полицијата го блокираше пристапот
Полициски екипи ја опколиле куќата на семејството Илиќ во Бањско поле, додека пред неа пристигнал багер, објави српски Телеграф.
Според медиумот, се уште нема официјални информации зошто е донесен багер, а нивниот репортер јавува дека полицијата отвора шахти околу куќата на семејството Илиќ.
Како што пренесуваат, полицијата и работниците од ЈКП од утрово го расчистуваат теренот.
2-годишната Данка исчезна во моментот кога нејзината мајка му давала вода на друго дете. Носела виолетови панталони, маслинеста јакна, а косата и била врзана во опавче. По исчезнувањето на Данка, за прв пат во Србија беше објавен Abber Alert наречен „Најди ме“.
По девојчето 27 часа трагаа припадници на жандармеријата, полицијата, пожарникари, спасувачи, како и бројни мештани. По 27 часа српската полиција го прекина пребарувањето на теренот во Бањско Поле.
Регион
Што се случи на денот кога исчезна малата Данка, првата сосетка раскажува
Живанка Трајковиќ од Бањско Поле, првата сосетка на семејството на Данка Илиќ (2), која исчезна пред три дена, раскажа што се случило на денот кога исчезна девојчето.
„Беше емотивно за сите нас. За сите граѓани. Таткото плачеше, бабата, дедото. Тие беа многу потресени. Луѓето плачеа, плачев и јас. Беше тешко и жално за сите“, вели таа.
Сосетката вели дека семејството на исчезнатото девојче не живее во селото во кое исчезнало, туку дека дедото доаѓа повремено.
„Имаше малку сонце, ветровито“, го опишува денот кога исчезна Данка и продолжува:
„Полицијата дојде. Кога слушнав дека девојчето исчезнало, се зачудив. Зошто овде? Како? Мирно е, тивко е… Јас сум првата куќа до нив. Видовме дека има некој во шумата, во нивниот дел, но не обрнавме внимание. Си ја работевме нашата работа што ја имавме. И не обрнувавме внимание додека не нè праша полицијата. Да, теренот е непристапен. Има дупки, има секакви работи. Некои подземни води, има и поток. Сосема е нелогично каде отиде девојчето. Некој од соседството рече дека ја виделе токму таму пред нашата врата. Таму имаме песок, децата сакаат песок. Сигурно ќе останеше некоја трага. Сепак, не најдовме никаква трага. Ништо не видовме“, рече сосетката.