Регион
Вучиќ под притисок пред изборите – неговиот син го поврзуваат со мафијата
Српскиот претседател, Александар Вушиќ се најде под притисок поради сомневање дека неговиот син Данило е поврзан со мафијата, јавува германската новинска агенција ДПА.
Најмоќниот политичар во Србија веќе два дена се жали на наводниот „лов на вештерки“ против неговиот 22-годишен син.
„Моите политички противници не можат да ме поразат со идеи и програми, па се обидуваат да ме поразат преку психичка тортура на моето семејство“, се пожали тој минатата вечер на државната телевизија ТВ Прва.
Новинарка од независниот истражувачки портал „Крик“ минатата среда го фотографирала Данило Вучиќ во белградски локал во друштво на добро познати фудбалски хулигани.
Групата во која бил Данило го селдела емитувањето на дербито меѓу Црвена звезда и Партизан.
Синот на Вучиќ во минатото најмалку трипати бил виден со Александар Видојевиќ. Во моментов во тек се полицсики истраги за наводна вмешаност на Видојевиќ во црногорски мафијашки клан што работи на меѓународно ниво.
Видојевиќ ја предводи навивачката подгрупа на Партизан – Јаничари, која редовно се поврзува со насилство и вандализам.
Претседателот Вучиќ го бранеше Видојевиќ.
„Тоа момче никогаш не било обвинето за кривични дела поврзани со дрога, само за тепачка, но никогаш не бил осуден за тоа“, рече тој во телевизиското интервју.
Парламентарните избори треба да се одржат во Србија на 21 јуни, а десничарската Српска напредна партија (СНС) на Вучиќ е изразен фаворит.
Дел од опозицијата ги бојкотира изборите. Критичарите го обвинуваат Вучиќ за елиминирање на можноста за слободни избори преку репресија и злоупотреба на власта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.