Регион
Германскиот пратеник за Балканот: Србија не може во ЕУ со проруски став
Србија не може да седи на две столчиња, изјави специјалниот пратеник на германската влада за Западен Балкан, говорејќи за наклонетоста на српските власти кон Русија.
Пред да пристигне во Белград, Мануел Саразин изјави дека општеството во Србија е поблиску до Германија и ЕУ во економска и политичка смисла отколку до Русија, пренесува „Ал џезира“.
„Нашата финансиска поддршка и инвестиции се поголеми. Заинтересирани сме и за економскиот и социјалниот развој на оваа земја. Разбирливо е дека средствата што ги даваме и нашиот ангажман во земјите кандидати се поголеми отколку во земјите, кои, на пример, се дел од источното партнерство“, изјави Саразин за белградскиот весник „Данас“.
Специјалниот пратеник на Германија истакна дека е сосема јасно оти по руската инвазија на Украина, проруската позиција е неспојлива со статусот на кандидат за ЕУ.
„Не можете да седите на две столчиња што се оддалечени со километри. Освен тоа, мислам дека Србија многу добро знае дека е во нејзин интерес што побргу да се ослободи од сите зависности од бескрупулозниот режим.
Се разбира, има реперкусии врз одлуките на економските субјекти дали земјата неповратно ја следи европската насока или не. Станува збор за процена на придобивките и ризиците. Од почетокот на руската инвазија на Украина бизнисмените се прашуваат дали Србија како инвестициска дестинација се приклучила кон европските ставови и дали тоа ќе го прави во иднина. Затоа е клучно Србија сега да заземе свој став“, порача Саразин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.