Регион
Грчкиот премиер повика на воздржаност и смиреност по насилните протести
Грчкиот премиер Кирјакос Мицотакис повика на воздржаност и смиреност по насилните судири меѓу полицијата и демонстрантите што избија синоќа за време на протестите во Атина.
„ Заслепениот гнев не води никаде“, рече Мицотакис во видеопорака на Твитер.
Тој додаде дека „тажните слики на насилство“ видени за време на протестите во Атина мора да бидат последните на кои би биле сведоци грчките граѓани.
„ И животот на еден наш сограѓанин, млад полицаец кој беше во опасност, треба да нè разбуди“, рече Мицотакис.
Демонстрантите излегоа на улиците откако беше објавено видео на социјалните мрежи, на кое наводно се гледа како полицијата му се заканува на маж во неделата, пренесува грчки „Катимерини“.
Четворица грчки полицајци беа повредени, од кои еден сериозно во судири со демонстрантите во атинската населба Неа Смирна, а по тој повод беа уапсени десет лица.
Според државната телевизија ЕРТ, напаѓачите со качулка фрлале молотови коктели кон полицијата, која одговорила со солзавец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Регион
Еден од убијците на Данка бара нов адвокат
Второосомничениот Срѓан Јанковиќ кој цело време се бранеше со молчење во Обвинителството му го откажал полномошното на својот адвокат бидејќи не сака повеќе да го брани.
Јанковиќ побарал да му биде доделен адвокат по службена должност, пренесуваат српските медиуми.
Ова не изненади бидејќи ретко се случува на сред рочиште осомничениот да побара смена на адвокат – велат од обвинителството.
– Понатамошната постапка е таква што следува разговор на новиот адвокат со осомничениот Јанковиќ. Со оглед на текот на рочиштето, апсолутно секој адвокат ќе го советува да престане да се брани со молчење бидејќи подобро е самиот Јанковиќ да каже се што знае. Убедени сме дека е прашање кога Јанковиќ доброволно ќе ја изнесе својата одбрана во обвинителството. Се надеваме дека постои можност да се дознае каде е телото на малата Данка – неофицијално се дознава од надлежните.
Доколку се оствари предвидувањето на обвинителството, се очекуваат нови моменти во истрагата откако Јанковиќ ќе ја каже својата верзија за настаните.