Регион
Дачиќ во Москва: Србија не прифаќа наметнати решенија за Косово и Метохија
Србија е конструктивна во дијалогот со Приштина со посредство на ЕУ и сака компромис што ќе донесе мир и стабилност на долг рок, рече денеска во Москва претседателот на парламентот, Ивица Дачиќ, додавајќи дека Србија не прифаќа наметнати и еднострани решенија.
„Тие ни велат – откажете се од Косово и Метохија и патот кон ЕУ е отворен за вас. Тоа не го кажуваат партнерите еден на друг. Ние сакаме да влеземе во Унијата, работиме напорно на тоа и таа цел не ја менуваме, но ние не прифаќаме на тој пат пред нас да бидат поставени пречки што никогаш претходно не биле поставени пред никого, ниту пак може да се очекува такво нешто како признавање на незаконското отцепување од која било суверена држава“, рече Дачиќ.
Слично е и со санкциите насочени против Русија, рече Дачиќ обраќајќи им се на пратениците на Државната дума.
Тој рече дека Србија нема да воведе санкции кон Русија, наведувајќи дека и самата Србија била изложена на истиот механизам на притисок и многу добро знае колку тоа е неправедно.
“Русија е еден од најголемите економски партнери на Србија. Не постои економска гранка во која не бележиме огромен раст, почнувајќи од енергетика, патна и железничка инфраструктура, земјоделско производство, хемиска и дрвна индустрија”, тврди Дачиќ.
Според него постои уште простор што мора да се искористи во областа на економијата, пред се во заедничките аранжмани во високотехнолошките проекти.
Одиме во таа насока дури и кога станува збор за соработка во областа на медицинските науки. Дали има подобар пример за тоа од фактот дека Србија е првата земја во Европа што ја произведува вакцината „спутник В“ со одобрение од вашиот „ „Институт Гамалеја“, кој ја разви оваа одлична вакцина?“, запраша Дачиќ.
Тој потсети дека Србија е во самиот врв на Европа и светот според процентот на вакцинирано население, поради што се очекува наскоро да заврши и борбата против пандемијата.
Претседателот на Собранието на Србија исто така рече дека Русија е еден од столбовите на поддршката на Србија во современиот свет и дека тоа нема да се промени.
Дачиќ посочи дека Србија и Русија денес се многу повеќе од традиционални, историски пријатели и сојузници.
„Русија, исто како и Србија, е цврсто на мислење дека Косово и Метохија е неотуѓив дел од Србија и тоа е еден од нашите најважни политички столбови во борбата за нашите интереси на меѓународната сцена со децении“, додаде Дачиќ .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.