Регион
Делегација предводена од бугарскиот в.д. вицепремиер Демерџиев ќе оддаде почит на гробот на Гоце Делчев во Скопје
Официјална делегација од Република Бугарија, предводена од вицепремиерот за јавен ред и безбедност и министер за внатрешни работи Иван Демерџиев, утре ќе положи венец и ќе му оддаде почит на гробот на Гоце Делчев во Скопје, се наведува во ставот на бугарското Министерство за надворешни работи.
Поводот е прославата на 151-годишнината од раѓањето на револуционерот.
Во согласност со дипломатската практика, бугарската амбасада во Скопје официјално ги известила властите во Северна Македонија со три вербални ноти – една од 2 февруари и две од 3 февруари, посочуваат од тамошното МНР.
Министрите за внатрешни работи на Бугарија и на С. Македонија се во постојан контакт, како и амбасадата на Бугарија во Скопје со македонското МНР, соопштија од бугарското МНР.
„Очекуваме властите на Република Северна Македонија да обезбедат непречен пристап до црквата Св. Спас“, каде што е гробот на Гоце Делчев, и на официјалната бугарска делегација и на Бугарите од Бугарија и Северна Македонија кои сакаат да се поклонат“, додаваат од бугарското Министерството за надворешни работи.
Оттаму соопштија дека Иван Демерџиев и заменик министерот Венцислав Катинов ќе положат цвеќе во дворот на црквата Свети Спас во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нов земјотрес во Крагуевац, трет за еден ден
Земјотрес со јачина од 2,5 степени според Рихтеровата скала вечерва го погоди Крагуевац, трет за еден ден.
Според веб-страницата на Републичкиот сеизмолошки завод, земјотресот се случил околу 18 часот и 15 минути.
🔔#Earthquake (#земљотрес) M2.5 occurred 14 km SE of #Kragujevac (#Serbia) 10 min ago (local time 18:15:23). More info at:
📱https://t.co/IbUfG7TFOL
🌐https://t.co/GdZ9Qzvlhx
🖥https://t.co/SPzAI5NNT1 pic.twitter.com/jUcZ8xqpTH— EMSC (@LastQuake) March 29, 2024
Теоретскиот интензитет во епицентарот беше проценет на ниво III од Меркалиевата скала. Земјотреси со ваков интензитет не можат да предизвикаат штети на објекти во епицентралното подрачје, се вели во соопштението на Републичкиот сеизмолошки завод.
Во Крагуевац за три часа беа забележани два земјотреси. Првиот е измерен утрово, во 11 часот и 20 минути, со магнитуда од 3,4 степени, додека вториот во 14 часот и 29 минути, со нешто послаб интензитет, поточно 1,7 степени според Рихтеровата скала.
Регион
Се пребаравме, но предалеку е за да отиде таму двегодишно дете, вели жител кој ја барал Данка
Она што ја одбележа четиридневната потрага по малата Данка Илиќ (2) во Бор беше гостопримството на домаќините и пред се нивната подготвеност да помогнат на секаков начин. Бањско поле го „окупираа“ новинари, како и разни полициски и цивилни екипи ангажирани во спасувачките операции., пишуваат српските медиуми.
Сенката на сомнежот ги зафати сите во населбата и има многу теории.
-Вистината ќе излезе на виделина, не може да се сокрие. Ако некој е виновен нека одговори. Но, сега единствено е важно детето да се најде. Веднаш тргнавме на пат, ја пребаравме шумата, но сето тоа е предалеку за да отиде таму двегодишно дете. Па, сега го чистат местото, сто години се трупа таму – рече жител на Бањско Поље.
Данка Илиќ (2) исчезна во вторникот во 13:45 часот кога нејзината мајка му давала вода на другото дете.
По девојчето 27 часа трагаа припадници на жандармеријата, полицијата, пожарникари, како и бројни мештани. По 27 часа полицијата го прекина пребарувањето на теренот во Бањско Поље.
Регион
(Видео) Што се е извлечено од куќата: глетка од местото каде Данка исчезна по 4-тиот ден од потрагата
По четири дена пребарување, не е пронајдена ниту една трага која би укажала каде може да биде девојчето.
Вчера цел ден три багери го расчистуваа земјиштето во и околу куќата, каде беа пронајдени дрвја, отпад, стари машини и ѓубре.
Спроти куќата има куп сено, грмушки, гранки, дрвја, големи канистри со вода, казан, голем лимен резервоар, земја, шут.
Машините кои вчера работеа цел ден, пожарникари и спасувачи ја напуштија куќата во Бањско поле, каде малата Данка беше пријавена за исчезната.
Приведен е полицаец од СВР Бор поради давање информации од истрагата за исчезнувањето на малата Данка Илиќ (2).
Данка Илиќ (2) исчезна во вторникот. По повеќе од 70 часа детално пребарување на теренот во Бањско поле, припадниците на МВР продолжуваат интензивно оперативно за пронаоѓање на девојчето Данка Илиќ (2) и утврдување на сите факти и околности за исчезнувањето на детето.