Регион
Еди Рама: Харадинај е лажго, Курти е интелектуалец
Албанскиот премиер Еди Рама го нарече поранешниот косовски премиер Рамуш Харадинај лажго и фолклорен политичар, кој со воведувањето такси на производите од Србија и од БиХ му нанел голема штета на Косово, додека за актуелниот премиер Албин Курти изјави дека секогаш го сметал за интелектуалец, пренесува „Вечерње новости“.
Гостувајќи во емисијата „Пресинг“ на приштинската Т7 ТВ, Рама рече дека Харадинај е главниот виновник што Приштина сè уште не добила визна либерализација. Тој уште пред една година го советувал, на самитот во Берлин, да ја прифати понудата на францускиот претседател Емануел Макрон во замена за укинување на таксите Косово да добие визна либерализација.
Макрон во тоа време му предлагал на Харадинај да ги суспендира таксите на четири месеци и да овозможи да се покрене дијалог за да се направи нешто што во тој момент се чинело невозможно- да се укинат визите.
„Но Харадинај не го сфаќа тоа иако сега Косово веќе една година ќе имаше визна либерализација. Што направи Рамуш Харадинај со Косово? Ништо. Само наметна такси“, изјави албанскиот премиер, посочувајќи дека Харадинај не ги разбира големите прашања и проблеми.
Рама нагласи дека порано многу го почитувал Харадинај, но кога тој излегол во јавност со приказната дека Рама го притискал да ги укине таксите, „лажел како свиња“.
За разлика од Харадинај, кого го смета за незнајко, Рама го смета актуелниот косовски премиер Курти за најголемиот интелектуалец што Косово го има.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.