Регион
Захарова: Косово е црна дупка во Европа, неуспешен проект на Западот
Косово не е држава и нема никакви можности, вели портпаролката на Министерството за надворешни работи на Русија, Марија Захарова, оценувајќи дека денес тоа е црна дупка во Европа, каде што цвета организираниот криминал и корупцијата и каде што има атмосфера на национално и верско ниво и се создава омраза и нетрпеливост, пренесуваат медиумите во регионот.
Во интервју за „Курир“, Захарова вели дека западниот проект Косово пропаднал, без оглед, вели таа, на огромните пари што биле „пумпани во него“.
Според написите на медиумите, Захарова вели: „Новите косовски власти, предводени од премиерот на привремените институции на Приштина, Албин Курти, проповедаат отворен политички екстремизам. Косово стана проблем за европскиот континент”.
Захарова потсетува дека таканаречените бриселски договори биле усогласени во 2013 година и дека Белград го исполнил својот дел од тие решенија, додека Приштина одбила да го обезбеди клучниот услов – создавање на Заедница на српски општини, пренесуваат регионалните медиуми.
„Актуелните косовски власти воопшто не сакаат да го разгледаат ова прашање, а Брисел се ограничува на лабави повици, без конкретни чекори“, рече Захарова, која истакна дека не ја гледа поентата во вклучувањето на Русија во процесот на преговори.
„Дијалогот беше започнат во согласност со резолуцијата на Генералното собрание на ООН, која Белград побара од нас да ја поддржиме. Тоа е она што го сторивме“, вели Захарова.
Таа исто така посочува дека односите меѓу Русија и Србија се засноваат на долга традиција, заемно почитување и разновидна заемно корисна соработка.
„Русија соработува со Србија под услови на еднаквост, зајакнување на производствените капацитети, енергија, инфраструктура, создавање предуслови за развој во корист на сите граѓани“, посочи Захарова.
Таа потсети дека Договорот за слободна трговија меѓу Србија и земјите на ЕАЕУ – Русија, Ерменија, Белорусија, Казахстан и Киргистан – ќе стапи на сила на 10 јули, додавајќи дека документот отвора нови големи можности.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ во ОН: Курти денес не е во Њујорк оти води тајна кампања во Северна Македонија
За време на седницата на Советот за безбедност на Обединетите нации посветена на шестмесечниот извештај на генералниот секретар на ОН Антонио Гутереш за работата на УНМИК, српскиот претседател Александар Вучиќ го обвини лидерот на движењето Самоопределување, Аљбин Курти за мешање во внатрешните работи на Македонија.
Вучиќ истакна дека Курти не бил присутен на седницата во Њујорк бидејќи бил зафатен со водењето на изборната кампања на неговата партија во соседна држава.
Вучиќ изрази изненаденост од тоа што, според него, најпопуларен политичар во Македонија е претседателот на Србија, иако нема кампања во таа земја.
Тој посочи дека како претседател на Србија се извинува за постапките на, како што го нарече, српскиот граѓанин Аљбин Курти и истакна дека мешањето во внатрешните работи на Северна Македонија не е политика на Србија, туку постапка на неодговорен граѓанин.
Регион
Уапсена државјанка на Јужна Африка, осомничена дека ја убилa мајка си во Црна Гора
Јужноафриканска државјанка е уапсена под сомнение дека утрово ја убила својата мајка во Пераст.
Полициската управа соопшти дека медицинскиот персонал на Здравствениот дом во Котор пријавил во полиција дека во станбена зграда во Пераст е пронајдено безживотно тело на жена, а таму била пронајдена и нејзината ќерка Н.Л.Т., пренесува Вијести.
„Полицијата излезе на местото на настанот каде е утврден идентитетот на починатата, а преземени се мерки и дејствија за утврдување на фактите и околностите под кои настапила смртта“, се вели во соопштението на полицијата.
Оттаму додаваат дека увид на лице место е извршено во присуство на обвинител од Вишото државно обвинителство во Подгорица, како и службеник од Центарот за судска медицина.
„По преземени сеопфатни истражни дејствија, припадниците на полицијата дошле до сомнение дека сторител на ова кривично дело е Н.Л.Т. и таа е лишена од слободата.
Регион
Османи: Белград ја спречува интеграцијата на Србите во институциите на Косово
Косовската претседателка Вјоса Османи упати низа обвинувања за Србија на седницата на Советот за безбедност (СБ) на Обединетите Нации (ОН) посветена на Косово.
Османи обвини дека Белград ја спречува интеграцијата на Србите во институциите на Косово.
Таа изјави дека Србија ја заплашува српската заедница на северот на Косово, а како пример го наведе неодамнешното апсење на косовски полицајци во Србија, пренесува „Радио Слободна Европа“.
Османи обвини и оти Србија претходните денови на граница задржувала автобуси со патници од албанска националност.
Владата на Косово претходно овие постапки ги оцени како одмазда на Србија за поддршката дадена од Парламентарното собрание на Советот на Европа за членството на Косово во оваа организација.
„Србите во Косово се под притисок, но од страна на властите во Србија“, рече Османи.