Регион
Илјада мигранти го напуштија привремениот камп кај Дијавата
И последната група мигранти, кои три дена протестираа и се судрија со грчката полиција, го напуштиле привремениот камп во Дијавата на северот на Грција. Според информациите, околу илјада мигранти го напуштиле привремениот камп и се вратиле во прифатните центри, а полицијата привела неколкумина кои немале валидни документи.
Мигрантите и бегалците дојдоа во Дијавата од четвртокот по лажните информации дека ќе имаат организирано патување до западните земји преку македонско-грчката граница, а инциденти имаше и во петокот.
Во текот на вчерашниот ден бегалците и мигрантите имаа судир со грчката полиција, која одговори со солзавец, при што повреден бил и еден фоторепортер. До инцидентот дошло кога некои од насобраните фрлале камења и шишиња кон полицискиот кордон во обид да го пробијат и да тргнат кон границата со нашата држава.
Агенцијата „Анадолија“ јави дека Турските безбедносни сили задржале 950 илегални мигранти во северозападниот дел на земјата при обид да влезат во соседна Грција. Мигрантите најпрвин се упатиле накај областа Едрене кога во четвртокот преку социјалните мрежи добиле дојави дека Турција ќе ги пушти да ја минат границата. По ова, турските безбедносни сили ги зајакнале безбедносните мерки за да го спречат приливот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Мајката на двегодишната Илиќ донесена во полиција: Распитувањето за исчезнувањето на ќерката продолжува
Вана Илиќ, мајката на двегодишната Данка е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13 часот и 45 минути.
Регион
(Видео) Конфликт меѓу српска ТВ-екипа и вујкото на Данка: „Удри го, добро е за рејтингот“
Четврти ден од потрагата по двегодишната Данка Илиќ, а на социјалните мрежи е објавено скандалозно видео снимено пред куќата каде што исчезна девојчето, објави хрватски „Индекс“.
Новинар и снимател на српски „Информер“ пристигнале пред куќата на вујкото на Данка, каде што се случил помал инцидент. Пред нив излегол маж, кој се претставил како вујко на Данка, и им рекол да си одат оти немаат причина да бидат пред куќата.
Им рекол да ја исклучат камерата или ќе повика полиција. Репортерот и снимателот не го послушале, а најскандалозниот дел од целата ситуација е што водителите во студиото предложиле нивната екипа да го удри вујкото на Данка и дека тоа би било добро за рејтингот.
Mučna situacija svakako, otišli da snimaju porodičnu kuću nestale devojčice. Pojavio se njen ujak i negoduje.
Poslušajte razmišljanje i želju urednika iz studia, od 0:52 do 1:03.
Prokletnici. pic.twitter.com/YnJDuXKV6W— 𝙁𝙀𝙍𝙈𝘼𝙉 (@Fermantwiit) March 27, 2024
Од студиото на ТВ „Информер“ во еден момент велат: „Удри го Рафа, удри го!“ и додаваат дека ќе биде добро за „шерот“ (удел во вкупна ТВ-гледаност).
„Сега кога Рафа ќе го забоде, ќе видите“, велат од студиото, се слуша во директниот пренос.
Регион
(Видео) Снимка од приведувањето три лица во БиХ, кои на „Тик-ток“ објавија дека ја држат Данка
Тројца мажи, кои синоќа беа уапсени од Федералната полициска управа (ФУП), а по наредба на српската полиција, синоќа се донесени во просториите на ФУП во Сараево на понатамошна обработка.
Федералната полициска управа на Босна и Херцеговина, врз основа на информации од Министерството за внатрешни работи на Република Србија, Управата за технологија, уапси три лица што се сомничат дека преку социјалната мрежа „Тик-ток“ објавиле дека се поврзани со исчезнување на девојчето Данка Илиќ.
Уапсени се Б. Т. (2002), М. Т. (2001) и З. Т. (1972). Полицијата извршила претрес и утврдила дека информациите што ги дале се лажни.
Во текот на ноќта тројката заедно со Хаџиќ се донесени во просториите на ФУП, каде што потоа ќе бидат предадени на надлежниот обвинител за понатамошна постапка, а видеото од нивното приведување го објави Министерството за внатрешни работи на Србија.