Регион
Индекс: Косовските политичари не одат на самит во Чешка зошто Земан ги нарекол воени злосторници
Косово се повлече од учеството на регионален самит во Прага, соопштија чешките власти по изјавата на чешкиот претседател Милош Земан, кој водачите на оваа земја ги нарече воени злосторници.
Делегации на влади од неколку земји на Западен Балкан во четврок во Прага ќе се состанат со чешкиот, унгарскиот, полскиот и словачкиот премиер, пренесува хрватски „Индекс“.
„Косово испрати дипломатска нота во која се извинува за отсуството откако претходно го потврди учеството“, соопшти Јана Адамцова, портпарол на чешката влада.
Во вторникот, медиумите објавија дека Земан, за време на посетата на Белград, му кажал на српскиот претседател Александар Вучиќ дека му се допаѓаат Србија и српскиот народ, додавајќи дека не го сака Косово. Тој исто така најавил преиспитување на можноста Прага да го повлече признавањето на независноста на Косово.
„Земја која ја водат воени злосторници не би трабало да биде во зедница со демократски држави“, додал Земан, кој е познат како симпатизер на руската и кинеската надворешна политика.
Министерот за надворешни работи на Чешка, Томаш Петричек, во денеска изјави дека не е во интерес на Прага да се промени одлуката од 2008 година за признавање на Косово како независна држава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Регион
Еден од убијците на Данка бара нов адвокат
Второосомничениот Срѓан Јанковиќ кој цело време се бранеше со молчење во Обвинителството му го откажал полномошното на својот адвокат бидејќи не сака повеќе да го брани.
Јанковиќ побарал да му биде доделен адвокат по службена должност, пренесуваат српските медиуми.
Ова не изненади бидејќи ретко се случува на сред рочиште осомничениот да побара смена на адвокат – велат од обвинителството.
– Понатамошната постапка е таква што следува разговор на новиот адвокат со осомничениот Јанковиќ. Со оглед на текот на рочиштето, апсолутно секој адвокат ќе го советува да престане да се брани со молчење бидејќи подобро е самиот Јанковиќ да каже се што знае. Убедени сме дека е прашање кога Јанковиќ доброволно ќе ја изнесе својата одбрана во обвинителството. Се надеваме дека постои можност да се дознае каде е телото на малата Данка – неофицијално се дознава од надлежните.
Доколку се оствари предвидувањето на обвинителството, се очекуваат нови моменти во истрагата откако Јанковиќ ќе ја каже својата верзија за настаните.