Регион
Клоси: Македонскиот државјанин Ремзи Хоџа беше убиен поради врските на Бериша со Милошевиќ
Поранешниот албански претседател и премиер Сали Бериша имаше врски со неговиот српски колега Слободан Милошевиќ, но постојано Бериша се обидуваше и се обидува да биде албански патриот. Токму и убиството на македонскиот државјанин Ремзи Хоџа во 90-тите години во Албанија се случи поради врските што ги имаше поранешниот албански претседател и премиер со српскиот преседател Милошевиќ, изјави поранешниот шеф на албанската тајна служба ШИШ, Фатос Клоси во интервју за тиранскиот весник ,,Сот”.
Тој притоа наведува дека ,,убиството и тортурите извршени врз Ремзи Хоџа во Албанија се поврзани токму поради тоа што Хоџа знаеше многу нешта и не ги кажа”.
Резми Хоџа, познат како македонско – косовски бизнисмен во Албанија својот бизнис го започна во 1995 година основајќи компанијата ,,Албатрос”. Во Тирана беше уапсен од страна на припадниците на албанската тајна служба и до денес не е познато како е убиен и каде е неговото тело.
Клоси во интервјуто нагласува дека сегашниот судир на Бериша со косовскиот претседател Хашим Тачи е поврзан со фактот што Бериша сака да се прогласува како голем албански патриот и покрај тоа што имал соработка со Милошевиќ и за време на косовската војна.
Коментирајки ги актуелните состојби во Косово и идеите на косовскиот претседател за корекција на границите на Косово со Србија, Клоси кој последните години е познат политички аналитичар во Албанија, вели дека верува дека идејата не е само на Тачи, туку тоа е идеја на меѓународниот фактор,која се пренесува преку косовскиот претседател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.