Регион
Косовската опозиција го обвинува Курти за влошување на односите со западните сојузници
Косовските опозициски партии денеска го обвинија премиерот на Косово, Албин Курти за влошување на односите со западните сојузници поради насилството на северот, во кое беа повредени мировниците на НАТО и побараа изгласување недоверба на владата.
Немирите се интензивираа по изборите во април, кои беа бојкотирани од Србите, а победата во четири градоначалнички области со мнозинско српско население на север ја извојуваа кандидатите од етничките Албанци.
Инсталирањето на победниците минатата недела и покрај одѕивот на гласачите од 3,5 отсто, предизвика критики од Соединетите Држави, кои ја поддржуваат независноста на Косово од 2008 година. Како резултат на тоа, Вашингтон го откажа учеството на Приштина во вежбата на НАТО.
Пратеник до Курти: Си играш со оган
Немирите го принудија НАТО да испрати дополнителни сили на Косово. Косовскиот парламент се состана во петокот за да разговара за тензиите на северот.
„Си играш со оган“, му рече на Курти во парламентот Мемли Красниќи од опозициската Демократска партија на Косово.
„Ако цената е да се загрозат односите со најголемите сојузници на Косово откако веќе започнаа санкциите, сакам да те прашам дали вреди“, рече тој.
Поранешниот премиер и лидер на Алијансата за промени, Рамуш Харадинај ги повика претставниците да и изгласаат недоверба на Владата.
„Да ставиме крај на оваа недоверба, понижување, лаги и предавство со разрешување на владата на Курти“, им порача Харадинај на пратениците.
Франција и Германија ги повикаа властите во Косово да организираат нови избори
На вчерашниот самит на европската политичка заедница во Молдавија, Франција и Германија ги повикаа косовските власти да организираат нови избори во поделениот северен регион.
Шефот на европската дипломатија, Жозеп Борел, се залагаше за формирање Заедница на српски општини, што беше гарантирано со бриселскиот договор од 2013 година, а што Курти досега одбиваше да го направи.
Курти ги отфрли критиките и ја обвини Србија за финансирање и поддршка на Србите на северот кои не ја признаваат декларацијата за независност во 2008 година и го сметаат Белград за свој главен град.
Курти: Американските санкции се загрижувачки, но фашистичките милиции на север се уште позагрижувачки
„Американските санкции се загрижувачки, но фашистичките милиции на север се уште позагрижувачки“, изјави Курти за косовската КТВ во четвртокот навечер.
Насилството избувна во понеделникот откако косовските власти, поддржани од специјалните полициски единици, поставија градоначалници етнички Албанци во канцелариите во северните општини.
Во судирите беа ранети 30 мировници на НАТО и 52 српски демонстранти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина кои пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на Фејсбук дека Атина изгледа како „колонија на Марс“.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина намалена е видливоста во центарот на градот и регионот, додека грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Регион
Мајката на осомничениот за убиството на Данка: Не го видов телото на мојот син
Светлана Драгијевиќ, мајката на Далибор Драгијевиќ, кој почина од насилна смрт во полициската станица во Бор, на распитот за убиството на Данка Илиќ (2) за порталот „Нова.рс“ вели дека нејзиниот починат син бил жртва на полициска тортура.
Таа истакнува дека не го видела телото и дека сѐ уште го чека извештајот од обдукцијата на синот.
Драгијевиќ е брат на Дејан, осомничениот за убиството на девојчето Данка Илиќ. Тој беше приведен на 6 април под сомнение дека му помогнал на својот брат да го скрие нејзиното тело, а почина ноќта меѓу саботата и неделата, односно на 7 април.
Мајката на Драгијевиќ за „Нова.рс“ изјави дека никој не дошол кај неа да ѝ каже дека син ѝ е претепан, туку дека само полицаецот дошол да ја извести за погребот.
„Не се сомневам дека ќе се дознае кој го убил, од Бор се. Извештајот од обдукцијата сѐ уште не сум го добила, па се надевам дека ќе открие сѐ“, вели Светлана, која исто така наведува дека не го видела телото на синот.
Неделникот „Радар“ неодамна објави дека обдукцијата покажала оти Драгијевиќ починал со насилна смрт, а доказ за тоа се многуте повреди што ги имал на телото. Но, полицијата во соопштението наведе дека Драгијевиќ починал од природна смрт, односно му се слошило во полициската станица.
Полицијата ги уапси работниците на ПУК „Водовод“, Дејан Драгијевиќ и Срѓан Јанковиќ, под сомнение дека го убиле девојчето Данка Илиќ. Таткото Радослав и братот Далибор на осомничениот Драгијевиќ беа приведени под сомнение дека му помогнале да го скрие телото на детето.
Телото на Данка сѐ уште не е пронајдено.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.