Регион
Курти: Над 200 судии изрекле само условни и парични казни за силување
Косовскиот премиер Албин Курти рече дека податоците покажуваат дека досега околу 200 судии изрекле само условни и парични казни за случаи на сексуално насилство или дозволиле да истече застареноста во случаите на сексуално насилство.
На прес-конференција тој рече дека во 85 отсто од случаите на сексуално насилство жртви биле малолетни девојчиња. Курти посочи дека околу 140 обвинители, од вкупно 200 во Косово, дозволиле застареност на случаите на сексуално насилство.
„Во повеќе од 85 проценти од овие случаи биле вклучени малолетници. 140 обвинители дозволија застареност во случаите на сексуално насилство. Замислете дека повеќе од 200 судии, повеќе од половина од судиите во Косово, изрекоа само условни и парични казни“ – рече Курти.
Тој побара да се преземат мерки против оние кои не ја извршуваат својата должност и истакна дека за ова е неопходен процес на верификација во судството.
Министерството за правда, пак, денеска до косовскиот Парламент достави досие за процесот на верификација во правосудството, во кое има предлог за уставни измени, предлог закон за верификација, концепт документ за верификација, со образложение за процесот на верификација.
Обвинителскиот совет на Косово и државниот обвинител ги отфрлија како неточни изјавите на премиерот на Косово. Наведуваат дека од 2017 година до првата половина на 2022 година, четири случаи поврзани со сексуално насилство застареле.
„Обвинителскиот совет и државниот обвинител повторно изразуваат длабока загриженост во врска со континуираното рециклирање на непромислените, непроверени изјави за обвинителскиот систем, кои се даваат само за политичка агенда од страна на премиерот на Владата на Косово. Имено, овие јавни изјави на премиерот и министерот за правда во врска со застареноста на случаите на сексуално насилство во обвинителството се целосно демантирани со официјалните извештаи на обвинителскиот систем“ – се наведува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.