Регион
Милановиќ: Не може да биде happy hour само за Украина, кога е happy hour, пијат сите
Условувањето на статус-кандидатот БиХ со промена на изборниот закон е како Украина да мора да изврши мирна реинтеграција на Крим – цинизам, изјави хрватскиот претседател Зоран Милановиќ.
Денеска и утре, во Брисел се очекува европските лидери да одлучат за доделување статус на кандидат на Украина и на Молдавија на состанокот на Европскиот совет.
По правило, хрватскиот политички врв смета дека таков статус треба да добие и БиХ, а во писмото до првиот човек на Европскиот совет, Шарл Мишел, го повика словенечкиот претседател Борут Пахор пред една недела.
Хрватскиот претседател му се заблагодари на својот словенечки колега за чинот и рече дека тој лично не го потпишал писмото бидејќи тоа има поголема тежина доколку тоа го направи некоја страна поиндиректно вклучена во ова прашање, како што е Словенија.
Милановиќ го чекаше предлогот за доделување кандидатски статус на Украина и на Молдавија, кои тој ги поддржува, како единствена и неповторлива можност да се овозможи тоа и за Босна и Херцеговина.
Кога полскиот претседател Анджеј Дуда предложи кандидатски статус на Украина во март, цела група држави од ЕУ се спротивставија велејќи дека тоа е технички, а не политички процес, рече хрватскиот претседател. Ниту Киев ниту Кишињев сè уште не ги исполнуваат бараните критериуми.
„Кога е Happy hour сите пијат поевтино, тоа не може да биде happy hour само за вас“, рече Милановиќ поврзувајќи ја одлуката на Европската комисија за доделување кандидатски статус на Украина за време на посетата на четворицата лидери од Франција, Италија, Германија и Романија на Киев минатата недела.
„И сега имаме можност да кренеме палци на БиХ“, рече Милановиќ прашувајќи се кој во европската политика би можел да биде против тоа и од кои причини.
„Тие што се против треба да излезат во јавноста со тоа“, повика тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.