Регион
Милановиќ се најде на црната листа на украинските националнисти поради неговата изјава
Хрватскиот претседател Зоран Милановиќ е на црната листа на украинската националистичка веб-страница „Миротворец“ поради, како што се наведува, дистрибуција на руска пропаганда и поддршка и оправдување на руската агресија врз Украина, потврди заменик портпаролот на руското Министерство за надворешни работи, Алексеј Зајцев.
Причината за вклучување на украинската црна листа беше изјавата на Милановиќ дека за Украина нема место во НАТО и дека ЕУ поттикнала државен удар во Украина, со кој во 2014 година беше соборен прорускиот претседател Виктор Јанукович.
Покрај тоа, Милановиќ рече дека Хрватска нема да се меша во украинската криза на кој било начин, доколку таа ескалира и дека таму нема да има свои војници.
Украинското Министерство за надворешни работи пред два дена ја покани хрватската амбасадорка во Киев, Аница Џамиќ, да зборува за изјавите на Милановиќ кои позитивно одекнаа во Русија.
На списокот на украинската националистичка веб-страница „Миротворец“ се наоѓаат дури 187.000 имиња, меѓу кои и основачот на групата „Пинк Флојд“ Роџер Волтерс, кој пред три години изјави дека Русија има повеќе права на Крим отколку Украина.
Базата на податоци е формирана во 2014 година по средбата меѓу украинскиот политичар Георги Тука и поранешен член на украинската државна разузнавачка служба, познат под псевдонимот „Роман Зајцев“.
Покрај руските разузнавачи, на списокот се наоѓа и белоруската писателка, нобеловката Светлана Алексиевич, која рече дека некои етнички Украинци им помогнале на нацистите да ги прогонуваат Евреите.
На списокот има и 500 украински јавни службеници, етнички Унгарци, кои добиле унгарски пасоши, а причината е што Украина забранува двојно државјанство, а „Миротворец“ таквиот чин го смета за предавнички.
Објавени се податоците на околу 4.500 новинари, западни, украински и руски, кои имаа акредитации од властите во Донбас, што беше услов за да можат да работат во таа област, а многу од нив подоцна добија и закани.
Неколку луѓе беа убиени откако нивните имиња и адреси се појавија во базата на податоци „Миротворец“.
Амбасадорите на ОН, Г7 и ЕУ и групите за човекови права повеќепати бараа отстранување на оваа страница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024