Регион
Најавени промени во албанската влада
Албанскиот премиер Еди Рама најави промени во владиниот кабинет. Албанските медиуми јавуваат дека поради политичките тензии во земјата, Рама наесен се очекува да промени повеќе министри, но во владата сепак остануваат шефот на дипломатијата, Дитмир Бушати, и министерот за внатрешни работи, Фатмир Џафај.
Истите извори наведуваат дека меѓу оние што ќе бидат сменети е и министерот за дијаспора, Пандели Мајко, кој беше и поранешен премиер на Албанија. Аналитичарите во многуте коментари оценуваат дека најавите за промени имаат цел да ги намалат политичките тензии во земјата, но исто така и смена на Мајко и другите министри кои имаат одредени недоразбирања со Рама поради спогодбата на Тирана и Атина за морската граница и прашањето на Чамите во Грција.
Некои од медиумите на десницата пишуваат дека опозицијата нема да се задоволи само со смени на министри бидејќи бара оставка на премиерот Рама и предвремени избори. Весникот „Коха Јоне“ нагласува дека претседателот на Демократската партија, Лулзим Баша, и претседателката на ЛСИ – Движење за социјалистичка интеграција, Моника Криемади, најавуваат жестока политичка есен во Албанија бидејќи како Баша така и Криемади веруваат дека наесен ке го соборат премиерот Рама, кој, за нив, е главен организатор на шверцот со дрога и цутот на криминалот во земјата.
К. М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.